جىل باسىنان بەرى قوس ازاماتتىعى بار 91 ادام شەكارادان وتپەك بولعان
استانا. KAZINFORM - ۇستالعاندار ءىسى قاراۋ ءۇشىن پوليتسيا ورگاندارىنا بەرىلدى، دەپ حابارلايدى ۇ ق ك باسپا ءسوز قىزمەتى.

2025 -جىلدىڭ باسىنان ۇ ق ك شەكارا قىزمەتى وتكىزۋ پۋنكتتەرىندە ءبىر مەزگىلدە قازاقستان رەسپۋبليكاسىنىڭ جانە باسقا مەملەكەتتىڭ ازاماتتىعى بار ادامداردىڭ شەكارادان ءوتۋىنىڭ 91 فاكتىسىن انىقتادى.
- ۇستالعاندار ءىسى قاراۋ ءۇشىن پوليتسيا ورگاندارىنا بەرىلدى. ايتا كەتۋ كەرەك، 2024 -جىلى مەملەكەتتىك شەكارادا 1190 قوس ازاماتتىق فاكتىسى انىقتالدى. قۇقىق بۇزۋشىلىقتاردىڭ نەگىزگى بولىگى جاقىن شەتەل ازاماتتارىنا تيەسىلى بولدى. ۇ ق ك شەكارا قىزمەتى قازاقستاندىق زاڭناماعا سايكەس قوس ازاماتتىقتىڭ بولۋى 300 ايلىق ەسەپتىك كورسەتكىشكە دەيىن ايىپپۇل سالۋعا نەمەسە اكىمشىلىك جولمەن شىعارىپ جىبەرۋگە اكەلەتىنىن ەسكە سالادى، - دەلىنگەن ۆەدومستۆو حابارلاماسىندا.
بۇل رەتتە قازاقستاندىقتاردىڭ باسقا مەملەكەتتىڭ ازاماتتىعىن الۋى قازاقستان رەسپۋبليكاسىنىڭ ازاماتتىعىنان ايىرۋ ءۇشىن تىكەلەي نەگىز بولىپ تابىلادى.
بۇعان دەيىن حابارلانعانداي، ۇقك وڭتۇستىك وبلىستاردان استاناعا ەسىرتكى جەتكىزەتىن ارنانىڭ جولىن كەستى.
اۆتور
اينۇر تۋماكبايەۆا