جىل باسىنان بەرى قازاقستاندىق ءتىس دارىگەرلەرى 40 ميلليارد تەڭگە تابىس تاپقان
استانا. قازاقپارات - 2024 -جىلدىڭ ءبىرىنشى توقسانىندا ستوماتولوگيالىق قىزمەت كورسەتۋدەن تۇسكەن تابىس 40 ميلليارد تەڭگەنى قۇرادى، دەپ حابارلايدى ءبىرىنشى كرەديتتىك بيۋرو باسپا ءسوز قىزمەتى.

بۇل ءبىر جىل بۇرىنعىدان %31 عا كوپ. سونىمەن قاتار كەيىنگى ەكى جىلداعى ەڭ جوعارى كورسەتكىش.
اتالعان قىزمەتكە سۇرانىس ارتا بەرەتىنىن ەسكەرسەك، بۇل كورسەتكىش ەڭ جوعارى دەڭگەيگە جەتۋى مۇمكىن ەدى. الايدا بۇلاي بولمادى. ونىڭ ءمانىن ءبىرىنشى كرەديتتىك بيۋرو ساراپشىلار ءتۇسىندىردى.
«2021 -جىلى حالىققا زەينەتاقى جيناقتارىن الۋعا، ونىڭ ىشىندە ەمدەلۋگە رۇقسات بەرىلدى. العاشىندا بۇل ستوماتولوگيالىق قىزمەتتەر نارىعىنا ايتارلىقتاي اسەر ەتكەن جوق. دەگەنمەن، ب ج ز ق- دان الۋعا بولاتىن شەكتى سوما كوتەرىلگەنگە دەيىن سۇرانىس كۇرت ءوستى. ناتيجەسىندە 2022 -جىلدىڭ ءبىرىنشى توقسانىندا كۇرت وسكەن ءتىس دارىگەرلەرىنىڭ تابىسى 65,2 ميلليارد تەڭگەنى قۇرادى»، - دەپ اتاپ ءوتتى بيۋرو ساراپشىلارى.
ستوماتولوگتار تابىسىنىڭ تۇراقتى دەرلىك ءوسۋىن ءىشىنارا كورسەتىلەتىن قىزمەتتەر باعاسىنىڭ جىلدام قىمباتتاۋىمەن تۇسىندىرۋگە بولادى. ماسەلەن، 2023 -جىلى بۇل قىزمەت ءتۇرى %11,4 عا قىمباتتادى. بۇل جالپى ينفلياتسيادان جوعارى كورسەتكىش.
«ايتا كەتەيىك، مەملەكەت حالىققا ستوماتولوگيالىق قىزمەتكە وتە سيرەك كومەك كورسەتەدى. ونىڭ جالپى شىعىندارداعى ۇلەسى %9 قۇرايدى»، - دەپ جازدى بيۋرو.
ەسكە سالا كەتسەك، 2022 -جىلدىڭ ءۇشىنشى توقسانىندا ەلىمىزدىڭ ءتىس دارىگەرلەرى 32 ميلليارد تەڭگەدەن استام سوماعا قىزمەت كورسەتتى.
قىزمەتتەردىڭ نەگىزگى كولەمى، ياعني 5,5 ميلليارد تەڭگەدەن استامى بيۋدجەت قاراجاتى ەسەبىنەن، 23 ميللياردى - حالىقتان تۇسكەن قاراجات جانە 3,3 ميلليارد تەڭگەدەن استامى - كاسىپورىنداردىڭ قاراجاتى ەسەبىنەن ورىندالدى.