جىل باسىنان بەرى 51 ادام كوروناۆيرۋس جۇقتىردى – د س م
استانا. KAZINFORM - ەلىمىزدە ەپيدەميولوگيالىق جاعداي تۇراقتى. تولىعىراق دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ ءتوراعاسى سارحات بەيسەنوۆا ايتىپ بەردى.

كوميتەت باسشىسىنىڭ مالىمەتىنشە، قازاقستاندىقتاردىڭ اراسىندا 16 جۇقپالى اۋرۋ، ونىڭ ىشىندە وبا، ديفتەريا، پوليوميەليت، ءىش سۇزەگى، پاراتيف، قۇتىرۋ تاعى سول سياقتى دەرتتەر تىركەلگەن جوق.
- 40 ينفەكتسيالىق دەرت بويىنشا تومەندەۋ بايقالدى. ونىڭ ىشىندە كوروناۆيرۋس 5,7 ەسە، لەپتوسپيروز 2,5 ەسە، ءسىبىر جاراسى %46,5، كونگو-قىرىم گەمورراگيالىق قىزباسى %40,6، سكارلاتينا %39، برۋتسەللەز %19,5، ەحينوكوككوز %15,2، قىزىلشا %6,3 عا ازايدى، - دەدى سارحات بەيسەنوۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
سونداي-اق سانيتارلىق-ەپيدەميولوگيالىق باقىلاۋ كوميتەتىنىڭ ءتوراعاسى بيىل 1-قاڭتاردان بەرى قازاقستان اۋماعىندا 51 كوروناۆيرۋس ينفەكتسياسىن جۇقتىرۋ جاعدايى تىركەلگەنىن ايتتى. بۇل كورسەتكىش وتكەن جىلدىڭ وسى كەزەڭىمەن سالىستىرعاندا 7 ەسە تومەن.
بىلتىر دەنساۋلىق ساقتاۋ مينيسترلىگى كوروناۆيرۋس ىندەتى ورشىگەن جاعدايدا قوسىمشا ۆاكسينا الاتىنى تۋرالى حابارلاعان ەدى.