مىندەتىن ورىنداماعان اۋە كومپانياعا 3,6 ميلليون تەڭگە كولەمىندە ايىپپۇل سالىندى
استانا. KAZINFORM - رەيس كەشىكتىرىلگەن كەزدە جولاۋشىلاردى قوناقۇيگە ورنالاستىرماعانى ءۇشىن FlyArystan جاۋاپكەرشىلىككە تارتىلدى.
الماتى - استانا باعىتى بويىنشا رەيس كەشىكتىرىلگەن كەزدە قىزمەتتەردى ۇسىنباۋعا بايلانىستى (جولاۋشىلار قوناق ۇيگە ورنالاستىرىلماعان، جولاۋشىلاردى اۋەجايدان قوناق ۇيگە دەيىن جانە كەرى قاراي ترانسفەر ۇيىمداستىرىلماعان) FlyArystan اۋەكومپانياسىنا قاتىستى «اكىمشىلىك قۇقىقبۇزۋشىلىق تۋرالى» ق ر كودەكسىنىڭ 567-بابىنىڭ 2-بولىگى بويىنشا اكىمشىلىك قۇقىق بۇزۋشىلىق تۋرالى حاتتاما جاسالىپ، اۆياكومپانياعا 1000 ا ە ك (3692000 تەڭگە) مولشەرىندە ايىپپۇل سالىندى.
«ق ر ك م ازاماتتىق اۆياتسيا كوميتەتى رەيستەردىڭ كەشىگۋى كەزىندە قىزمەتتەردى تيىسىنشە ۇسىنۋ بولىگىندە قازاقستان رەسپۋبليكاسىنىڭ قولدانىستاعى زاڭناماسىنىڭ تالاپتارىن بۇزعانى ءۇشىن وتاندىق جانە شەتەلدىك اۆياكومپانيالاردى جاۋاپكەرشىلىككە تارتۋ جونىندەگى جۇمىستى جالعاستىرىپ جاتىر»، - دەلىنگەن كوميتەت حابارلاماسىندا.
جولاۋشىلاردىڭ قۇقىقتارىن ساقتاۋ بولىگىندە زاڭناما نورمالارىن مۇلتىكسىز ساقتاۋ ازاماتتىق اۆياتسيا كوميتەتىنىڭ جۇمىسىندا باسىمدىقتاردىڭ ءبىرى بولىپ تابىلادى جانە اۆياكومپانيالار تاراپىنان بۇزۋشىلىق فاكتىلەرى انىقتالعان جاعدايدا كوزدەلگەن شارالار قولدانىلاتىن بولادى.
بۇعان دەيىن FlyArystan ەگىزدىڭ سىڭارىن اۋەجايدا قالدىرىپ كەتكەنى جايىندا جازعان بولاتىنبىز.
جولاۋشىلارعا دۇرىس قىزمەت كورسەتپەگەن اۋەكومپانياعا 3,6 ميلليون تەڭگە كولەمىندە ايىپپۇل سالىندى
