جول ساقشىلارى اۆتوبۋس پەن جەدەل جاردەم كولىكتەرىن جاسىرىن پاترۋلدەۋگە تارتپاقشى

استانا. KAZINFORM - ىشكى ىستەر مينيسترلىگى اۆتوبۋستار مەن جەدەل جاردەم كولىكتەرىن جول ەرەجەسىن بۇزۋ فاكتىلەرىن تىركەيتىن اۆتوماتتاندىرىلعان قۇرىلعىلارمەن جابدىقتاماقشى.

بۇل تۋرالى ءى ءى م اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ايتتى.

«قالا سىرتىنداعى جولدا قاۋىپسىزدىك ماسەلەلەرىن شەشۋ ءۇشىن پاترۋلدىك اۆتوكولىكتەردى جول ەرەجەلەرىن بۇزۋدى تىركەيتىن بورتتىق جۇيەلەرىمەن جابدىقتادىق. جول بويى جۇيە جول ەرەجەلەرىن بۇزۋشىلىقتاردى اۆتوماتتى تۇردە تىركەيدى جانە ولاردى باس پروكۋراتۋرانىڭ ورتالىق سەرۆەرىنە جىبەرەدى. وسى جەردە ايتا كەتەتىن ءجايت، قىزمەتكەرلەردە ەرەجەنىڭ بۇزىلعانى تۋرالى اقپاراتتى جويۋ مۇمكىندىگى جوق.

قازىر وسىنداي 216 كولىك بار. ءبىر ەكيپاجدىڭ ونىمدىلىگىن 15 پاترۋلدىڭ جۇمىسىمەن سالىستىرۋعا بولادى. دەگەنمەن، رەسپۋبليكالىق، وبلىستىق جانە جەرگىلىكتى ماڭىزى بار جولداردىڭ ۇزىندىعىن ەسكەرسەك، ءالى دە جەتكىلىكسىز.

وسى ورايدا، ءبىز جول جۇرىسىنە قاتىسۋشىلاردىڭ ءبارىن تارتۋدى كوزدەپ وتىرمىز. ياعني جەدەل جاردەم كولىكتەرىن، قوعامدىق كولىكتەردى، سونداي-اق پوليتسيانىڭ ءتۇستى-گرافيكالىق بوياۋى مەن جارقىلداۋىق ماياكتارى جوق اۆتوكولىكتەردى اۆتوماتتى تىركەۋ جۇيەلەرىمەن جابدىقتاۋدى ۇسىنامىز»، - دەدى ول.

كوميتەت باسشىسى بۇل شارا كولىك جۇرگىزۋ مادەنيەتىن ارتتىرىپ، جازانىڭ بۇلتارتپاۋشىلىق پرينتسيپىن قامتاماسىز ەتەتىنىن ايتادى.

اۆتور
ەسىمجان ناقتىباي