جول ەرەجەسىن بۇزعان جۇرگىزۋشىنى جازاسىز جىبەرە سالعان جول پاترۋلدەرى جۇمىسىنان ايىرىلدى

قوستاناي وبلىسىندا پوليتسيا قىزمەتكەرلەرى جول ەرەجەسىن بۇزعان جۇرگىزۋشىگە جازا قولدانباي، جونىنە جىبەرە سالعانى ءۇشىن جۇمىستان قۋىلدى، دەپ حابارلايدى Azattyq Rýhy.

قوستاناي- اۋليەكول- سۇرعان تاس جولىندا Lexus LX600 اۆتوكولىگىنىڭ جۇرگىزۋشىسى جىلدامدىقتى اسىرىپ، وزگە جۇرگىزۋشىلەردىڭ ومىرىنە قاۋىپ توندىرگەن، ونىمەن قويماي پوليتسيانىڭ توقتاتقانىنا اشۋلانىپ، دۇرسە قويا بەرگەن.

NG باسىلىمىنىڭ حابارلاۋىنشا، وقيعا پوليتسيا كولىگىندەگى بەينەتىركەۋشىگە جازىلعان.

«نەگە قۋىپ كەلە جاتىرسىڭ»، «ءنومىرىمدى ەسىڭدە ساقتاپ ال، ءتۇسىندىڭ بە»، - دەپ پوليتسياعا شۇيلىككەن جۇرگىزۋشى ءوزىنىڭ 11 جىل بويى پاترۋلدىك قىزمەتتە ىستەگەنىن ايتىپ قالادى.

قوستاناي وبلىسىنىڭ پوليتسيا دەپارتامەنتى بولعان وقيعاعا بايلانىستى تۇسىنىكتەمە بەردى.

«قىزمەتتىك تەكسەرىس جۇرگىزىلىپ جاتىر. تارتىپتىك كوميسسيانىڭ شەشىمىمەن كىنالى جۇرگىزۋشىنى جاۋاپكەرشىلىكتەن بوساتقان پاترۋلدىك قىزمەتتىڭ ەكى قىزمەتكەرى لاۋازىمدارىنان بوساتىلدى»، - دەلىنگەن حابارلامادا.

ال Lexus LX600 اۆتوكولىگىنىڭ جۇرگىزۋشىسى ق ر ءى ءى م قوستاناي اكادەمياسىنىڭ ماگيستراتۋرا بولىمىندە وقيتىن بولىپ شىقتى.

«جۇرگىزۋشىگە بەرىلەتىن قاتاڭ جازا تۋرالى تۋرالى ماسەلە تەكسەرۋ قورىتىندىسى بايلانىستى بولادى»، - دەدى پوليتسيادان.