جول اپاتى ارتادى: ش ق و-دا جۇرگىزۋشىلەرگە ەسكەرتۋ جاسالدى

وسكەمەن. KAZINFORM - شىعىس قازاقستان وبلىسىندا قىستا جول-كولىك وقيعالارىنىڭ سانى ارتادى.

بىلتىر قىس كەزىندە ءوڭىر اۋماعىندا 1100 دەن استام جول اپاتى تىركەلىپ، سونىڭ سالدارىنان 48 ادام كوز جۇمدى.

سونداي-اق جول-كولىك وقيعالارىنان جاراقات العاندار دا كوبەيگەن. اپاتتاردىڭ جيىلەۋىنە نەگىزىنەن اۋا رايى قولايسىزدىعى سەبەپ بولادى.

- سول ءۇشىن قىس مەزگىلىندە جۇرگىزۋشىلەر جول قوزعالىسى ەرەجەلەرىن قاتاڭ ساقتاپ، جىلدامدىقتى رۇقسات ەتىلگەن شەكتەن اسىرماۋى قاجەت. جولداعى شەكتەۋلەر تۋرالى اقپاراتتاردى دا نازاردان تىس قالدىرماۋ كەرەك، - دەدى ش ق و پوليتسيا دەپارتامەنتى اكىمشىلىك پوليتسيا باسقارماسى باستىعىنىڭ ورىنباسارى يگور كليشين.

ايتا كەتەيىك، وتكەن قىسقى كەزەڭدە وڭىردە اۋا رايىنىڭ قولايسىزدىعىنا بايلانىستى جولداردا 120 دان استام قوزعالىس شەكتەلگەن.

- جابىق تۇرعىن جول ۋچاسكەلەرىنە شىققاندارعا ق ر ا ق ب ت ك-نىڭ 667-بابى بويىنشا جاۋاپكەرشىلىك قاراستىرىلعان. مۇنداي جاعدايدا جۇرگىزۋشىلەرگە 30 ا ە ك مولشەرىندە ايىپپۇل نەمەسە 15 تاۋلىككە دەيىن اكىمشىلىك قاماۋعا الۋ جازاسى قولدانىلادى، - دەدى ي. كليشين.

ەسكە سالساق، وسىعان دەيىن شىعىس قازاقستاندا قار كوشكىنىن ەرتە ەسكەرتۋ جۇيەسى ەنگىزىلىپ جاتقانى حابارلانعان.

اۆتور

بوتاكوز كەنجەحان قىزى