جوشى حاننىڭ 800 جىلدىعىنا ارنالعان ەكسپەديتسيا تۇركىستانعا جەتتى
تۇركىستان. KAZINFORM - جوشى حاننىڭ 800 جىلدىعىنا وراي ءوتىپ جاتقان «تالاس-ۇلىتاۋ-سارايشىق» باعىتىنداعى رەسپۋبليكالىق تاريحي-ەتنوگرافيالىق ەكسپەديتسياسى تۇركىستانعا جەتتى.
قازاق حاندىعىنىڭ استانى، ۇلى جىبەك جولىنىڭ ورتالىعى بولعان قاسيەتتى مەكەنگە ارنايى ات باسىن بۇرعان توپ الدىمەن وتىرار قالاشىعىندا بولدى. ولار ونداعى زەرتتەۋ جۇمىستارىن جۇرگىزىپ جاتقان ارحەولوگ ماماندارمەن سۇحباتتاسىپ، ءوڭىردىڭ تاريحىنا ءجىتى توقتالدى.
ودان سوڭ ەكپەديتسيالىق توپ تۇركىستان قالاسىنداعى قوجا احمەت ياسساۋي كەسەنەسى جانە ماڭىنداعى تاريحي ەسكەرتكىشتەردى ارالاپ، ولاردىڭ تاريحىمەن تەرەڭىرەك تانىستى. سونداي-اق، جاڭا تۇركىستاننىڭ كەلبەتىنە اينالعان «كەرۋەن ساراي» كەشەنىن دە ارالاپ، قالا اۋماعىنداعى اتقارىلعان جۇمىستارمەن تانىستى.
وڭىردەگى ءبىرقاتار نىسانداردى ارالاعان توپ قىزىلوردا قالاسىنا قاراي جولعا شىعىپ، جول بويىندا قىپشاق حاندىعى مەن قازاق حاندىعىنىڭ استاناسى بولعان سىعاناق قالاشىعىنا توقتادى. وندا قىزىلوردا وبلىستىق تاريحي-ولكەتانۋ مۋزەيىنىڭ عالىم حاتشىسى اسحات سايلاۋ سىعاناق قالاشىنىڭ تاريحىمەن، ارحەولوگيالىق قازبا جۇمىستارى جۇرگىزىلىپ جاتقان جەرلەرمەن تانىستىردى. ارى قاراي ەكسپەديتسيا قىزىلوردادا جالعاسىن تاپپاق.
