جوعارى ءبىلىم ءمينيسترى ۇ ب ت- دا 1 بالل جيناعان تۇلەككە قاتىستى پىكىر ايتتى
استانا. KAZINFORM - عىلىم جانە جوعارى ءبىلىم ءمينيسترى ساياسات نۇربەك ۇ ب ت- دا 1 بالل العان تۇلەككە قاتىستى پىكىر ايتتى.
ءمينيستردىڭ ايتۋىنشا، بۇل تالاپكەر ەكى رەت ۇ ب ت تاپسىرعان. بىرىنشىسىندە 94 ۇپاي جيناسا، ەكىنشى ارەكەتىندە ول تەستىلەۋ ورتالىعىندا تۋرا 4 مينۋت وتىرىپ، شىعىپ كەتكەن.
«بۇل ونىڭ الدىن الا جوسپارلاعان ارەكەتى، اكسياسى بولسا كەرەك. بيىلعى 188 مىڭ مەكتەپ تۇلەگى ۇ ب ت- نى جوعارى ءبىلىم الۋ مۇمكىندىگى مەن قارجىلاندىرۋدىڭ نەگىزگى قۇرالى دەپ ساناپ، باق سىنادى. مەنىڭ ويىمشا، بۇل جاعداي -ءبىر ادامنىڭ ءوزىن سونشالىقتى ستاندارتتى ەمەس ادام ەكەنىن كورسەتۋگە تىرىسقان اكسياسى. وسى ءىس- قيمىلدى باسقالارعا ۇلگى بولارلىق دەپ سانامايمىن. ويتكەنى مىڭداعان ازامات ومىردەگى جوسپارلارىن جۇزەگە اسىرۋ ءۇشىن مەملەكەتتەن گرانت پەن مۇمكىندىك الىپ، جوعارى ءبىلىم الۋعا تالپىنىپ جاتىر»، - دەدى س. نۇربەك ۇكىمەت وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
ەسكە سالساق، جاقىندا ۇ ب ت- دان 1 بالل جيناعان ەراسىل ۋاليەۆ تۇركيانىڭ 10 ۋنيۆەرسيتەتىنەن شاقىرتۋ العانىن جازعان ەدىك.
