جوعارعى سوت بالاسىن وقۋعا جىبەرمەگەن اتا-اناعا قاتىستى ءىستى قارادى

استانا. KAZINFORM - جوعارعى سوت ورامال تاعۋىنا بايلانىستى ونىڭ بالالارىن وقۋ پروتسەسىنە جىبەرمەۋ بويىنشا ارەكەتتەردى زاڭسىز دەپ تانۋ تۋرالى جالپى ءبىلىم بەرەتىن ورتا مەكتەپكە قاتىستى اتا-انانىڭ تالاپ قويۋى بويىنشا اكىمشىلىك ءىستى قارادى.

ءبىلىم الۋ قۇقىعى قازاقستان رەسپۋبليكاسى ازاماتتارىنىڭ نەگىزگى كونستيتۋتسيالىق قۇقىقتارىنىڭ ءبىرى بولىپ تابىلاتىندىقتان، جوعارعى سوت اپەللياتسيالىق ساتىنىڭ قورىتىندىلارىمەن كەلىستى (مامانداندىرىلعان اۋدانارالىق اكىمشىلىك سوتىنىڭ شەشىمى بۇزىلىپ، تالاپ قويۋدى قاناعاتتاندىرۋ تۋرالى جاڭا شەشىم شىعارىلدى).

بۇل رەتتە، سوت القاسى ءبىلىم بەرۋ مەكەمەسىندە ورامال تاعۋدىڭ زاڭدىلىعى بويىنشا ماسەلەنى تالقىلاعان جوق.

ورتا ءبىلىم بەرۋ ۇيىمدارى ءۇشىن مىندەتتى مەكتەپ فورماسىنا تالاپتاردى بەكىتۋ جونىندەگى وكىلەتتىكتەرگە بەيىندى مينيسترلىك يە ەكەنىن اتاپ وتەمىز. ءمينيستردىڭ ءتيىستى بۇيرىعى زاڭسىز دەپ تانىلمادى جانە جويىلعان جوق.

اتا-انالار مەكتەپ جارعىسى مەن مەكتەپ فورماسىنا قويىلاتىن تالاپتاردى ساقتاۋعا جاۋاپتى.

اتا-انالاردىڭ بالالاردى تاربيەلەۋ مەن وقىتۋ، قۇقىقتارى مەن مۇددەلەرىن قورعاۋ جونىندەگى وزىنە العان جانە زاڭمەن بەلگىلەنگەن مىندەتتەرىن ورىنداماۋى زاڭدا بەلگىلەنگەن، ونىڭ ىشىندە اكىمشىلىك قۇقىق بۇزۋشىلىق تۋرالى كودەكستە كوزدەلگەن جاۋاپتىلىققا اكەپ سوعادى.

اتىراۋ، قاراعاندى، پاۆلودار، تۇركىستان وبلىستارىنىڭ سوتتارى وقۋشىلاردى وقۋ پروتسەسىنە جىبەرمەۋ بويىنشا ىستەردى قاراۋ كەزىندە وسىنداي قورىتىندىعا كەلدى.

بۇل وڭىرلەردىڭ سوت اكتىلەرى زاڭدى كۇشىنە ەنگەن جوق.

ايتا كەتەيىك، بيىل 240 مىڭ وقۋشى مەن اتا-اناعا پسيحولوگيالىق كومەك كورسەتىلدى.

ق ر جوعارعى سوتى مەكتەپتە قىز بالالارعا ورامال تاعۋعا سالىنعان تىيىم الىنباعانىن مالىمدەدى.