جەتىسۋ وبلىسىندا جاستارعا ارنايى گرانت تاعايىندالادى

грант
Фото: «Жастар» ҒЗО

استانا. KAZINFORM - جەتىسۋ وبلىسىنىڭ جاستارىنا ارنالعان «تاۋەلسىزدىك ۇرپاقتارى» گرانتىنا بايقاۋ جاريالاندى.

جوبانىڭ باستى ماقساتى - بەلسەندى شىعارماشىل جاستار قاۋىمداستىعىن قالىپتاستىرۋعا باعىتتالعان جاستاردىڭ جاڭا جانە قولدانىستاعى باستامالارىن مەملەكەت تاراپىنان قولداۋ.

جاستار كەلەسى 5 باعىت بويىنشا گرانت يەگەرى اتانا الادى: مادەنيەت، عىلىم، بيزنەس، مەديا جانە اقپاراتتىق تەحنولوگيالار.

اتالعان باعىتتار بويىنشا بايقاۋعا وبلىستىڭ 14 جاستان 35 جاسقا دەيىنگى جاستارى قاتىسا الادى.

ۇمىتكەرلەردىڭ كونكۋرستىق وتىنىمدەرى مەملەكەتتىك جانە (نەمەسە) ورىس تىلدەرىندە اعىمداعى جىلعى 2-ءساۋىر مەن 2-ماۋسىم ارالىعىندا ەلەكتروندىق نۇسقادا [email protected] پوشتاسى ارقىلى قابىلدانادى.

قوسىمشا اقپارات پەن سۇراقتار تۋىنداعان جاعدايدا، بايلانىس تەلەفونى: 87282404404 (ساعات 9.00.-18.00. دەيىن).

سوڭعى جاڭالىقتار