جەتىسۋ وبلىسىندا ءبىر تاۋلىكتە 11 جىلقىنى پويىز قاعىپ كەتتى

2024 -جىلعى 31-تامىزدا جەتىسۋ وبلىسىنىڭ بىجى- باحشا ارالىعىندا ماشينيست جۇك پويىزىن شۇعىل توقتاتۋعا ءماجبۇر بولدى.

الايدا قاقتىعىسۋدىڭ الدىن الۋ مۇمكىن بولمادى، سالدارىنان سەگىز باس جىلقى پويىز استىندا قالدى. پويىز 14 مينۋتقا توقتاپ قالعان.

ءدال سول كۇنى سارىوزەك- ۇشتوبە ارالىعىندا دا وسىنداي دەرەك انىقتالدى، وندا جۇك پويىزى ءۇش باس جىلقىنى قاعىپ كەتتى.

تەكسەرۋ بارىسىندا ۇشتوبە ستانتسياسىنداعى جەلىلىك پوليتسيا ءبولىمىنىڭ قىزمەتكەرلەرى ءۇي جانۋارلارىنىڭ يەلەرىن تاۋىپ، ولاردى مال جايۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتتى. ولار جەتىسۋ وبلىسىنىڭ 44 جانە 55 جاستاعى تۇرعىندارى بولىپ شىقتى.

Massaget.kz