جەردى وزگە عالامشارلىقتار باسىپ الاتىنى راس پا؟
الەۋمەتتىك جەلىلەردە بۇرىنعى استروناۆت جانە NASA باسشىسى چارلز بولدەن كونفەرەنسيادا ءسوز سويلەپ، جوعارى تەحنولوگيالارى بار وزگە عالامشارلىقتار پلانەتامىزدى باسىپ الماق دەپ مالىمدەگەن.
ونى ۆەدومستۆونىڭ ەكى قىزمەتكەرى زالدان شىعارىپ جىبەرگەنى تۋرالى اقپارات تارادى، - دەپ حابارلايدى stopfake.kz.
جازبا اۆتورى بولدەندى «عارىشتا 600 ساعاتتان اسا ۋاقىت بولعان ادام جانە كوسموناۆتيكا مامانى» دەيدى. ونىڭ ايتۋىنشا، بولدەننىڭ پىكىرى قاتە بولسا، وندا ول NASA باسشىسى ەتىپ تاعايىندالماس ەدى.
جەلىدەن ىزدەۋ بارىسىندا بولدەننىڭ جەردەن تىس وركەنيەتتەر تۋرالى ءبىر رەت قانا - 2015-جىلى مەكتەپ وقۋشىلارىمەن كەزدەسۋدە ايتقانى انىقتالدى. 10 جاستاعى كارمەن ديرينگ ۇلتتىق اەروناۆتيكا جانە عارىش باسقارماسىنىڭ باسشىسىنان وزگەعالامشارلىقتارعا سەنەسىز بە دەپ سۇراعان.
بولدەن كىشكەنتاي قىزعا عالامدا ميللياردتاعان كۇن جۇيەسى بار دەپ جاۋاپ بەردى. ونىڭ ويىنشا، ءبىر كۇنى جەر تۇرعىندارى ءومىردىڭ باسقا ءتۇرىن، بىرەۋىن نەمەسە بىرنەشەۋىن، جاقىن جەردەن بولماسا، باسقا جەردەن تابادى. ويتكەنى، مىڭداعان، ءتىپتى ميلليونداعان پلانەتا بار. ولاردىڭ كوبى جەرگە ۇقساس بولۋى مۇمكىن. سوندىقتان ادامداردىڭ باسىم بولىگى بۇعان دالەل تابىلاتىنىنا سەنەدى.
كونفەرەنتسيا كەزىندە بۇرىنعى استروناۆتتى NASA ساحناسىنان شىعارىلمادى، ويتكەنى ول «جەردى وزگەعالامشارلىقتار باسىپ الدى» دەگەن مالىمدەمە جاساعان جوق. بۇل فەيك 2017-جىلعى ساۋىردە شىققان. ونى ءسوز سويلەگەننەن كەيىن بىردەن ۇزاق دەمالىسقا جىبەردى دەگەن اقپارات تا جالعان. بۇل مۇمكىن ەمەس، ويتكەنى ول كەزدە 71 جاستاعى بولتون NASA- دا جۇمىس ىستەمەگەن.
بۇل فەيكتىڭ باستاپقى دەرەككوزى - World News Daily Report ساتيرالىق جاڭالىقتار سايتى، ول ويدان شىعارىلعان جاڭالىقتاردى جاريالايدى. بۇل سايتتىڭ سيپاتتاماسىندا «وسى سايتتاعى شىققان ماقالالاردىڭ بارلىق كەيىپكەرى، ءتىپتى ناقتى ادامدارعا نەگىزدەلگەن كەيىپكەرى دە تولىعىمەن ويدان شىعارىلعان جانە ولاردىڭ ءتىرى نەمەسە ولگەن ادامدارمەن ۇقساستىعى عاجايىپ جاعداي» دەلىنگەن.
دەمەك، چارلز بولدەن جەردى وزگەعالامشارلىقتار باسىپ الاتىنى تۋرالى كونسپيرولوگيالىق ويىن ايتپاعان. بۇل - جالعان اقپارات.
