جەردە ماگنيتتى داۋىل باستالدى

استانا. KAZINFORM - جەردە ماگنيتتى داۋىل باستالدى، ونىڭ بەلسەندىلىك شىڭى تۇستەن كەيىن بايقالادى دەپ بولجاندى. بۇل تۋرالى تاسس-قا فوبوس ورتالىعىنىڭ جەتەكشى مامانى ميحايل لەۋس حابارلادى.

- ماگنيتتى داۋىل باستالىپ تا كەتتى. شىڭ بۇگىن كۇندىز ماسكەۋ ۋاقىتى بويىنشا 15:00-دەن 18:00-گە دەيىن (استانا ۋاقىتى بويىنشا 17:00-دەن 20:00-گە دەيىن - رەد. ) بولادى، - دەدى ول.

ماۋسىم ايىنىڭ اياعىندا عالىمدار جەردىڭ ماگنيتتىك ءورىسىنىڭ بۇزىلۋىن تىركەدى، ول وتە كۇشتى دەڭگەيگە جەتكەن. مامىر ايىنىڭ باسىندا 2005 -جىلدان بەرى جەر بەتىندەگى ەڭ ۇزاق جانە ەڭ كۇشتى ماگنيتتىك داۋىل بايقالدى، ول 11-مامىرعا قاراعان ءتۇنى G5-تىڭ توتەنشە قۋات دەڭگەيىنە جەتتى.

كۇن الاۋى رەنتگەندىك قۋاتقا بايلانىستى بەس كلاسقا بولىنەدى: A ،B ،C ،M جانە X. A0.0 مينيمالدى كلاسى 1 شارشى مەترگە 10 ن ۆت جەر وربيتاسىنداعى ساۋلەلەنۋ قۋاتىنا سايكەس كەلەدى. M كەلەسى ارىپكە اۋىسقاندا قۋات 10 ەسە ارتادى. جارقىلدار، ادەتتە، كۇن پلازماسىنىڭ شىعارىلۋىمەن بىرگە جۇرەدى، بۇلتتار جەرگە جەتكەندە ماگنيتتىك داۋىلداردى تۋدىرۋى مۇمكىن.

اۆتور
ەركەجان سماعۇلوۆا