جەر سىلكىنىسى: الماتى قالاسى 9-10 بالدىق ايماققا بولىنگەن
الماتى. KAZINFORM - الماتى 10 بالدىق جەر سىلكىنىسى بولۋى ىقتيمال سەيسميكالىق قاۋىپتى ايماقتا ورنالاسقان. بۇل تۋرالى Kazinform اگەنتتىگىنە ۇلتتىق سەيسمولوگيالىق بايقاۋ جانە زەرتتەۋلەر ۇلتتىق عىلىمي ورتالىعى ديرەكتورىنىڭ عىلىم جونىندەگى ورىنباسارى ەليزاۆەتا ەسەنجىگىتوۆا ايتتى.
مامانىڭ ايتۋىنشا، الماتى قالاسىنىڭ اۋماعى سىلكىنىس قارقىندىلىعى بويىنشا 9-10 باللعا جاتادى.
«الماتى قالاسى ءۇشىن ازىرلەنگەن شاعىن اۋدانداستىرۋ كارتاسىن ناتيجەسى بويىنشا، قالانىڭ وڭتۇستىك بولىگى 10 باللدىق، ال سولتۇستىك بولىگى 9 باللدىق سىلكىنىس تۋدىارتىن اۋماقتارعا جاتادى. بۇرىندارى بولىپ وتكەن كۇشتى جەر سىلكىنىستەرنىڭ وشاقتارىنىڭ باسىم كوپشىلگى تاۋلى ايماقتاردا ورنالاسقاندىقتان قالانىڭ وڭتۇستىك بولىگى سەيميكالىق قارقىندىلىعى جوعارى بولىپ ەسەپتەلىنەدى»، - دەدى ول.
قالانىڭ سولتۇستىگى 9 باللدىق بولىپ كورسەتەلگەن اۋماعىندا، جەر قىرتىسىن قۇرايتىن توپىراق ەرەكشەلىكتەرىنە قۇرامى قاسيەتى جانە ىلعالدانۋىنە قاراي ءىشىنارا شاعىن 10 بالددىق زونالاردا بار.
سەيسمولوگتىڭ سوزىنشە، سەيسميكالىق جاعدايعا باعا بەرۋ ءۇشىن سەيسمولوگيا ينستيتۋتى ءارتۇرلى مەرزىم بويىنشا بولجام جاساپ وتىرادى. ورتا جانە قىسقا مەرزىمدى بولجام دەپ ەكى بولىنەدى. ورتا مەرزىمدى ەسەپ جىلىنا ەكى رەت جاسالادى.
وسىعان دەيىن ول الماتىلىقتار جەر سىلكىنىسىنە ءارقاشان دايىن بولۋ كەرەكتىگىن ايتقان بولاتىن.
بۇدان بولەك، جەر استىنداعى سەيسميكالىق داتچيكتەر، جانۋارلار جەر سىلكىنىسىن سەزەتىنى تۋرالى جازعان بولاتىنبىز.
ەسكە سالايىق، الماتىدا 1116 عيمارات تەكتونيكالىق جارىقتا ورنالاسقان.
