جەم وزەنىندە مۇز جارۋ جۇمىستارى جۇرگىزىلەدى

 استانا. KAZINFORM - بۇگىن «باتىس» وڭىرلىك قولباسشىلىعىنىڭ كومەگىمەن جەم وزەنىندە مۇز جارۋ جۇمىستارى جۇرگىزىلەدى. بۇل تۋرالى قورعانىس مينيسترلىگىنىڭ رەسمي وكىلى رۋسلان جانگۋلين ءمالىم ەتتى.

«بۇگىن (8-ءساۋىر) جوسپار بويىنشا سۋ باسقان ايماقتارعا گۋمانيتارلىق جانە باسقا دا جۇكتەر تىكۇشاقتارمەن تاسىمالدانادى. سۋ باسۋ قاۋپى بار ەلدى مەكەندەردەن حالىق تىكۇشاقتارمەن ەۆاكۋاتسيالانادى (ءوتىنىم بويىنشا). سونىمەن قاتار قارۋلى كۇشتەردىڭ جەكە قۇرامى اتىراۋ، قوستاناي، ب ق و جانە اقمولا وبلىستارىندا كومەك كورسەتۋدى جالعاستىرادى»، - دەدى رۋسلان جانگۋلين ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

سونداي-اق، مينيسترلىك وكىلىنىڭ ايتۋىنشا، بۇگىن «باتىس» وڭىرلىك قولباسشىلىعىنىڭ توبى جەم وزەنىندە مۇز جارۋ جۇمىستارىن جۇرگىزبەك.

ودان بولەك، ويىل وزەنىنەن وتەتىن پاروم ارقىلى ويىل كەنتىنىڭ تۇرعىندارى قاۋىپسىز جەرگە كوشىرىلەدى.

كەشە اتىراۋ وبلىسى (جىلىوي اۋدانى) جەم وزەنىندەگى جاساندى بوگەتتەردى بۇزۋ جۇمىسى باستالعانى تۋرالى حابارلاعان ەدىك. بۇل - وزەن ارناسىن بۇرۋ ءۇشىن جاسالعان قادام.