جەلىدە قاسىم-جومارت توقايەۆتىڭ تاعى ءبىر سيرەك فوتوسۋرەتى جاريالاندى

استانا. KAZINFORM - بەلگىلى قىتايتانۋشى يۆان زۋەنكو ءوزىنىڭ Telegram-كانالىندا قازاقستان پرەزيدەنتى قاسىم- جومارت توقايەۆپەن بىرگە تۇسكەن سيرەك فوتوسۋرەتىن جاريالادى.

ي. زۋەنكونىڭ ايتۋىنشا، بۇل سۋرەتتى قىتايتانۋشى، «داتۋن» ەۋرازيالىق حالىقارالىق جوبالار ورتالىعىنىڭ ديرەكتورى اندرەي تسارەنكو جەكە ارحيۆىنەن تاۋىپ، بولىسكەن.

— بۇل شىن مانىندە قىمبات ەستەلىك! 1983/1984 وقۋ جىلى بەيجىڭ ءتىل ينستيتۋتىنداعى دارىستە وتىرعان كەڭەستىك تاعىلىمداماشىلار توبىنىڭ فوتوسى. ءبىرىنشى قاتاردا سول جاق شەتتە - اندرەي ۆيتاليەۆيچتىڭ ءوزى. ودان كەيىن ەكىنشى قاتاردا ەكىنشى وتىرعان - قاسىم-جومارت كەمەل ۇلى توقايەۆ، قازىرگى قازاقستان پرەزيدەنتى. (…) وتە ەرەكشە ءارى شىنايى سۋرەت. توپتىڭ گەندەرلىك جانە جاس ەرەكشەلىكتەرىنەن باستاپ، وقۋ اۋديتورياسىنىڭ احۋالىنا دەيىن ايرىقشا بەينەلەنگەن. ناعىز قازىنا!، - دەپ جازدى يۆان زۋەنكو.

سونداي- اق، قاسىم- جومارت توقايەۆتىڭ قىتايعا تاجىريبە الماسۋعا بارعان كەزىنەن سۋرەت جاريالانعان ەدى.