جەكە مالىمەتتەر قولدى بولدى: قازاقستاندىقتارعا ج س ن-دى اۋىستىرۋ قاجەت پە

ايتا كەتەيىك، بۇعان دەيىن جەلىگە قازاقستاندىقتار تۋرالى 16 ميلليونعا جۋىق مالىمەت شىعىپ كەتكەن بولاتىن.

كەيىن بۇل جاعدايعا قاتىستى ءتيىستى ورگاندار تەكسەرىستە بولاتىنى جايلى مالىمدەگەن.

- ج س ن-دى قايتا شىعارۋدىڭ ەش ءمانى جوق، ويتكەنى بۇل - سايكەستەندىرۋ ءنومىرى. نەسيەلەر مەن الاياقتارعا كەلەتىن بولساق، ءبىز ارىپتەستەرىمىزبەن بىرگە ارنايى جۇمىس ىستەدىك. Egov پورتالىندا «ستوپ-كرەديت» سەرۆيسى بار. سول رەەسترگە اتى-ءجونىڭىزدى ەنگىزسەڭىز، ءسىزدىڭ رۇقساتىڭىزسىز ەشكىم اتىڭىزعا نەسيە راسىمدەي المايدى. سوندىقتان دەرەكتەردىڭ ءبارى قورعالعان، - دەدى ۆيتسە-مينيستر.

ونىڭ ايتۋىنشا، ەڭ باستى قاۋىپ ادامداردىڭ ءوز اڭعالدىعىنان بولادى. سوندىقتان ول الاياقتارعا الدانباۋدىڭ جولىن ءدا تۇسىندىردى.

- ەڭ باستىسى ەشكىمگە سەنبەڭىزدەر. تەلەفونعا كەلگەن س م س-كودتاردى ەشكىمگە ايتۋعا بولمايدى. ول كودتار تەك مەملەكەتتىك قىزمەت الىپ جاتقاندا عانا كەرەك. ساقتانىپ ءجۇرۋ ءۇشىن 1414 نومىرىنەن كەلگەن حابارلامانى ەشكىمگە جىبەرمەڭىز. ال نەسيە المايتىن بولساڭىز، باياعى «ستوپ-كرەديتتى» قوسىپ تاستاعان دۇرىس. ەگەر اقشا كەرەك بولىپ جاتسا، بۇل شەكتەۋدى نەبارى ەكى مينۋتتا الىپ تاستاۋعا بولادى، - دەدى بەكبولات مولدابەكوۆ.

ەستەرىڭىزگە سالا كەتەيىك، بۇعان دەيىن سيفرلىق دامۋ ءمينيسترى جاسلان ماديەۆ تە وسى ماسەلەگە قاتىستى ءوز پىكىرىن بىلدىرگەن ەدى.