Jibek Joly تەلەارناسى Silk Way Prime برەندىمەن حالىقارالىق نارىققا شىقتى
استانا. قازاقپارات – 1-شىلدە كۇنى جاڭا حالىقارالىق Silk Way Prime تەلەارناسى حابار تاراتا باستادى. بۇل - Silk Way سيفرلى تەلەوتباسىنداعى رەسەي فەدەراتسياسى اۋماعىندا ەفيرگە شىعاتىن ءۇشىنشى ارنا.
جاڭا جوبا قازاقستاننىڭ تاريحى، مادەني-گۋمانيتارلىق، ۇلتتىق قۇندىلىقتارىن ناسيحاتتايتىن تولىققاندى مەدياپلاتفورما قالىپتاستىرماق.
Silk Way Prime - Jibek Joly تەلەارناسىنىڭ ۋاقىت بەلدەۋى مەن رەسەي نارىعىنداعى تەلەۆيزيالىق ءونىم سۇرانىسىنا بەيىمدەلگەن حالىقارالىق نۇسقاسى. ارنا ەفيرىندە تەك قازاقستاندىق كونتەنت - كوركەم فيلمدەر، تەلەسەريالدار، اقپاراتتىق-ساراپتامالىق باعدارلامالار، توك-شوۋ، مۋزىكالىق-ويىن-ساۋىق جانە تانىمدىق جوبالار.
- Silk Way Prime ارناسىن ەفيرگە شىعارۋدا حالىقارالىق اۋديتوريانىڭ سۇرانىسى ەسكەرىلدى. ءبىز قارقىندى دامىپ جاتقان، الەمگە اشىق، جارقىن، مادەني باي قازاقستان تۋرالى ايتامىز. تەلەارنا فاكتىلەرمەن سويلەيدى، ەموتسيا دا بار، كونتەنت كرەاتيۆتى، - دەيدى Jibek Joly/Silk Way تەلەارناسىنىڭ اتقارۋشى ديرەكتورى ەركەجان كۇنتۋعان.
ايتا كەتەيىك، حالىقارالىق Silk Way ساندىق تەلەوتباسى قۇرامىنا بىرنەشە ارنا كىرەدى:
Silk Way - اقپاراتتىق-تانىمدىق lifestyle-ارنا. قازاقستان، ايماق پەن الەم جاڭالىقتارىن جەتكىزەدى. حالىقارالىق ماڭىزدى شارالاردى ترانسلياتسيالايدى، ەكسكليۋزيۆتى رەپورتاجدار فورماتىندا كورسەتەدى.
Silk Way Cinema - كلاسسيكادان باستاپ زاماناۋي حيتتەرگە دەيىن، سونداي-اق اۆتورلىق جۇمىستار مەن فەستيۆالدارعا باعىتتالعان فيلمدەردى كورسەتۋگە سالالانعان كينوارنا.
Silk Way Prime - جالپى تاقىرىپتىق وتباسىلىق تەلەارنا (Jibek Joly ارناسىنىڭ حالىقارالىق نۇسقاسى).
ەسكە سالساق، Jibek Joly تەلەارناسى «تۇمار-2025» ۇلتتىق تەلەۆيزيالىق سىيلىعىنىڭ ەكى نوميناتسياسى بويىنشا جەڭىمپاز اتاندى.
