جازعى دەمالىس كەزىندە وقۋشىلاردىڭ قاي ساناتتارى تەگىن وڭالتۋدان وتەدى

استانا. KAZINFORM - وقۋ- اعارتۋ مينيسترلىگى جازعى دەمالىس كەزىندە وقۋشىلارعا قانداي جەڭىلدىكتەر قاراستىرىلعانىن ءتۇسىندىردى.

بالالاردى ساۋىقتىرۋ ورتالىقتارىندا «مەملەكەتتىك ءبىلىم بەرۋ مەكەمەلەرىندەگى ءبىلىم الۋشىلار مەن تاربيەلەنۋشىلەردىڭ جەكەلەگەن ساناتتارىنا قالا سىرتىنداعى جانە مەكتەپ جانىنداعى لاگەرلەردە دەمالۋى ءۇشىن قۇجاتتار قابىلداۋ جانە جولداما بەرۋ» مەملەكەتتىك كورسەتىلەتىن قىزمەتىنە سايكەس، كەلەسى ساناتتاعى بالالار تەگىن دەمالۋعا جانە ساۋىقتىرۋدان وتۋگە قۇقىلى:

مەملەكەتتىك اتاۋلى الەۋمەتتىك كومەكتى الۋعا قۇقىعى بار وتباسىلاردان شىققان بالالار؛
جان باسىنا شاققاندا ورتاشا تابىسى كۇنكورىس دەڭگەيىنەن تومەن، مەملەكەتتىك اتاۋلى الەۋمەتتىك كومەك المايتىن وتباسىلاردان شىققان بالالار؛
وتباسىلاردا تاربيەلەنەتىن جەتىم بالالار؛
اتا- اناسىنىڭ قامقورلىعىنسىز قالعان بالالار؛
وتباسىلاردا تاربيەلەنەتىن جەتىم بالالار مەن اتا-اناسىنىڭ قامقورلىعىنسىز قالعان بالالار؛
توتەنشە جاعدايلاردىڭ سالدارىنان شۇعىل كومەكتى تالاپ ەتەتىن وتباسىلاردان شىققان جانە ءبىلىم بەرۋ ۇيىمىنىڭ القالى باسقارۋ ورگانى ايقىندايتىن وقۋشىلاردىڭ وزگە دە ساناتتارىنا جاتاتىن بالالار.
- قازاقستان - بالالاردىڭ جازعى دەمالىسىن ۇيىمداستىراتىن ساناۋلى مەملەكەتتەردىڭ ءبىرى.

لاگەرلەردە 3,1 ميلليون بالانى، ونىڭ ىشىندە الەۋمەتتىك وسال توپتاعى 500 مىڭنان استام بالانى قامتۋ جوسپارلانعان. سونداي-اق، «قازاقستان حالقىنا» قورى ەسەبىنەن «جازدىق جولداما» جوباسى اياسىندا 10 مىڭ بالانى قابىلداۋ ەسكەرىلگەن، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

ەسكە سالساق، وقۋ-اعارتۋ مينيسترلىگى بيىلعى سوڭعى قوڭىراۋ مەن مەكتەپ ءبىرتىرۋ كەشتەرىن وتكىزۋ تارتىبىنە قاتىستى تۇسىنىك بەردى.

بۇدان بۇرىن حابارلانعانداي، سانيتاريالىق- ەپيدەميولوگيالىق باقىلاۋ كوميتەتى لاگەرلەردىڭ جازعى دەمالىسقا دايىندىعىن باقىلاۋعا كىرىستى.