جازدا الاكولگە قاتىنايتىن قوسىمشا پويىزدار سانى ارتادى

ونىڭ ىشىندە 230 مىڭعا جۋىق جولاۋشىنىڭ الاكول كۋرورتتىق ايماعىنا قاتىناۋى كۇتىلەدى.

ماۋسىمدىق سۇرانىستىڭ ارتۋىنا بايلانىستى قتج جازعى كەزەڭدە 15 قوسىمشا تەمىرجول باعىتىن ىسكە قوسپاق.

الاكول باعىتىنا پويىزدار استانا، الماتى، سەمەي، وسكەمەن، قىزىلوردا جانە پاۆلودار قالالارىنان قاتىنايدى.

قوسىمشا پويىزدار مەن تىركەمە ۆاگوندار مىنا باعىتتار بويىنشا ۇيىمداستىرىلادى:

- №54/53 «نۇرلى جول - دوستىق»؛

- №253/254 «نۇرلى جول - دوستىق»؛

- №207/208 «الماتى - دوستىق»؛

- №211/212 «الماتى - دوستىق»؛

- №221/222 «الماتى - دوستىق»؛

- №457/458 «سەمەي - دوستىق»؛

- №459/460 «وسكەمەن - دوستىق»؛

- «قىزىلوردا - دوستىق» تىركەمە ۆاگوندارى؛

- «الماتى - دوستىق» تىركەمە ۆاگوندارى؛

- «پاۆلودار - دوستىق» تىركەمە ۆاگوندارى؛

- №201/202 «الماتى - نۇرلى جول»؛

- №203/204 «نۇرلى جول - شىمكەنت»؛

- №205/206 «اقتوبە - نۇرلى جول»؛

- №219/220 «قاراعاندى - بالقاش»؛

- №231/232 «الماتى-2 - سەمەي».

- جازعى ماۋسىمدا جولاۋشىلار تاسىمالىنا سۇرانىس جىل سايىن ارتادى. اسىرەسە كۋرورتتىق ايماقتار مەن ءىرى قالالارعا قاتىنايتىن باعىتتارعا قىزىعۋشىلىق جوعارى. وسى كەزەڭدە جولاۋشىلارعا قىزمەت كورسەتۋ ءۇشىن 2 مىڭنان استام ۆاگون پايدالانىلادى،- دەدى «جولاۋشىلار تاسىمالى» ا ق باسقارما ءتوراعاسى ديار ءنۇسىپقوجانوۆ.

ونىڭ ايتۋىنشا، ۆاگونداردىڭ 86 پايىزى كونديتسيونەر جۇيەسىمەن جابدىقتالعان.

بارلىق جىلجىمالى قۇرام جازعى تاسىمال ماۋسىمىنا الدىن الا دايىندالىپ، تەحنيكالىق تەكسەرۋدەن جانە سانيتاريالىق وڭدەۋدەن وتكەن.

كومپانيا مالىمەتىنشە، پويىزداردا ۆاگونداردى تازالاۋ مەن سانيتاريالىق-گيگيەنالىق قۇرالدارمەن قامتاماسىز ەتۋ بەكىتىلگەن ستاندارتتارعا سايكەس جۇرگىزىلەدى.

سونىمەن قاتار جولاۋشىلار ءۇشىن فيلم كورۋگە جانە مۋزىكا تىڭداۋعا مۇمكىندىك بەرەتىن مۋلتيمەديالىق ويىن-ساۋىق پورتالى قولجەتىمدى بولادى.

ەرەكشە قاجەتتىلىگى بار ازاماتتارعا ارنايى جابدىقتالعان ۆاگوندار قاراستىرىلعان.

ايتا كەتەيىك، الاكولدە العاش رەت امبەباپ قۇتقارۋ بولىمشەسى اشىلدى.