جايىق وزەنىندەگى سۋ دەڭگەيى تايپاق اۋىلى تۇسىندا تاعى كوتەرىلدى

ورال. KAZINFORM - جايىق وزەنىندەگى سۋ دەڭگەيى اقجايىق اۋدانى تايپاق اۋىلى تۇسىندا ءبىر تاۋلىكتە 10 سانتيمەترگە كوتەرىلدى.

«قازگيدرومەت» ر م ك ب ق و فيليالىنىڭ 25-ءساۋىر كۇنگى ساعات 08.00 دەگى مالىمەتىنە قاراعاندا، تايپاقتا سۋ دەڭگەيى 548 سانتيمەترگە (قاۋىپتى شەگى - 850 سم) جەتتى.

جايىقتىڭ باسقا گيدروبەكەتتەرىندە سۋدىڭ ءتۇسۋى بايقالادى. اتاپ ايتقاندا، يانۆارتسەۆ اۋىلىندا 7 (880 س م، قاۋىپتى شەگى - 1250 س م)، ورالدا 2 (859 س م، قاۋىپتى شەگى - 850 س م)، كوشىمدە 1 سانتيمەترگە (857 س م) تومەندەگەن. كوشىم كانالىندا دەڭگەي ءبىرقالىپتى (825 س م، قاۋىپتى شەگى - 800 س م).

اقجايىق اۋدانىنىڭ اكىمى مۇرات سەردالين جايىق وزەنىنىڭ سۋى اۋدان اۋماعىنان تومەنگە ءوتىپ جاتقانىن جەتكىزدى.

«جالپى جاعداي قالىپتى. بوگەتتەردى نىعىزداۋ، بيىكتەتۋ جۇمىستارى جۇرگىزىلىپ جاتىر»، - دەدى م. سەردالين.

ەسكە سالا كەتەيىك، بۇدان بۇرىن 280-نەن استام اسكەري قىزمەتشىنىڭ ورالدان اتىراۋ وبلىسىنا كومەككە اتتانعانىن جازعان بولاتىنبىز.

اۆتور
عايساعالي سەيتاق