جاپونيادا جەر سىلكىنىسىنەن قازا تاپقاندار سانى 168 گە جەتتى

  جاپونيادا 1-قاڭتاردان بەرى جالعاسىپ كەلە جاتقان جەر سىلكىنىسىنەن قازا تاپقاندار سانى 168 گە جەتتى.

بۇعان جاپونيانىڭ ايماقتىق بيلىگى جاريالاعان مالىمەتتەرى دالەل، دەپ حابارلايدى Kazinform رەسەيلىك ت ا س س اگەنتتىگىنە سىلتەمە جاساپ.

سونىمەن قاتار، قۇتقارۋشىلار ورنالاسقان جەرىن انىقتاۋ ءۇشىن بايلانىسقا شىعا الماي وتىرعان تۇرعىنداردىڭ سانى 323 كە جەتتى. ءالى دە بولىپ جاتقان جەراستى دۇمپۋلەرىنىڭ سالدارىنان 560 تان استام ادام ءارتۇرلى دارەجەدە جاراقات العان.

جەر سىلكىنىسىنەن اسىرەسە يسيكاۆا پرەفەكتۋراسى زارداپ شەكتى. وندا كەمىندە 1370 ءۇي تولىعىمەن نەمەسە ءىشىنارا قيرادى، ءورت سالدارىنان 300 گە جۋىق عيمارات ءبۇلىندى. زارداپ شەككەن ايماقتا ەلەكتر جانە سۋ بەرۋ جۇيەلەرى بۇزىلىپ، جانارماي تاپشىلىعى سەزىلۋدە.

اپات ايماعىندا جاپونيا قۇتقارۋ كۇشتەرىنىڭ ىزدەۋ- قۇتقارۋ وپەراتسياسى جالعاسىپ جاتىر. قۇتقارۋشىلار سوڭعى رەت 6-قاڭتاردا ءۇيىندى استىنان ءبىر ادامدى امان الىپ شىقتى. 90 جاستاعى جەرگىلىكتى تۇرعىن بەس كۇننەن ارتىق جەراستى دۇمپۋىنەن قيراعان ءۇيىنىڭ استىندا بولعان.