15:57, 22 - ءساۋىر 2024 | GMT +5
جاپونيا سولتۇستىك كورەيا بالليستيكالىق زىمىران ۇشىرعانىن حابارلادى
استانا. KAZINFORM – ك ح د ر الدىن الا بولجام بويىنشا بالليستيكالىق زىمىران ۇشىردى. بۇل تۋرالى جاپونيانىڭ جاعالاۋ كۇزەتى حابارلادى، دەپ جازادى ت ا س س.
جاپون ۇكىمەتى ۇشىرۋعا قاتىستى مالىمەتتەردى انىقتاپ جاتىر.
ۆەدومستۆونىڭ مالىمەتى بويىنشا، زىمىران جەتى مينۋت بويى ۇشقان. NHK تەلەارناسىنىڭ حابارلاۋىنشا، ول جاپونيانىڭ ەرەكشە ەكونوميكالىق ايماعىنان تىس جەرگە قۇلادى.
سوڭعى رەت ك ح د ر بالليستيكالىق زىمىراندى 2-ساۋىردە ۇشىردى. ول كەزدە كورەيانىڭ ورتالىق اقپارات اگەنتتىگى «گيپەرسونيكالىق سىرعاناۋ وقتۇمسىعى» بار جاڭا ورتا قاشىقتىقتاعى حۆاسونگپو-16ۆ زىمىرانىنىڭ ءساتتى سىناقتان وتكەنى تۋرالى حابارلاعان بولاتىن.
