جاپونيا پارلامەنتىنىڭ جوعارعى پالاتاسىنا سايلانعان ايەلدەردىڭ رەكوردتىق سانى تىركەلدى
استانا. KAZINFORM - جاپونيانىڭ كەڭەسشىلەر پالاتاسىنا سايلاۋدا 42 ايەل سايلاندى، بۇل 2022-جىلى ورناتىلعان 35 ورىندىق بۇرىنعى رەكوردتى باسىپ وزدى، دەپ حابارلايدى Kyodo News اقپارات اگەنتتىگى.
ايەلدەر 125 ورىننىڭ 33,6 پايىزىن الدى.
سايلاۋعا بارلىعى 152 ايەل قاتىستى، 2022-جىلى رەكوردتىق سان 181 ايەل بولعان ەدى. جالپى ايەلدەر سانى %29,1، بۇل ۇكىمەتتىڭ 2025-جىلعا ارنالعان تومەنگى كورسەتكىش %35 دان تومەن. 2022-جىلى كانديداتتار اراسىنداعى ايەلدەردىڭ ۇلەسى %33,2 بولدى، بۇل تاريحتاعى ەڭ جوعارى كورسەتكىش.
دۇنيەجۇزىلىك ەكونوميكالىق فورۋمنىڭ 2025-جىلعى گەندەرلىك تەڭسىزدىك يندەكسىندە جاپونيا ساياسي قۇقىقتار مەن مۇمكىندىكتەردى كەڭەيتۋدە تومەن ناتيجە كورسەتىپ، 148 ەلدىڭ ىشىندە 118-ورىندى يەلەندى. ماۋسىم ايىندا جاريالانعان ەسەپ بويىنشا، تاعى ءۇش سانات بويىنشا ىلگەرىلەۋ بار: ەكونوميكا، ءبىلىم بەرۋ جانە دەنساۋلىق ساقتاۋ.
152 ايەل كانديداتتىڭ 102 ءسى وكرۋگتەر بويىنشا، تاعى 50 ءى- پروپورتسيونالدىق جۇيە بويىنشا سايلاۋعا ءتۇستى.
ەسكە سالا كەتسەك، جاپونيانىڭ باسقارۋشى كواليتسياسى پارلامەنتتىڭ جوعارعى پالاتاسىنداعى باسىم كوپشىلىگىنەن ايىرىلدى، ءبىراق پرەمەر-مينيستر سيگەرۋ يسيبانىڭ مالىمدەۋىنشە، ول وتستاۆكاعا كەتۋدى جوسپارلاپ وتىرعان جوق.
