جاساندى جاڭبىر ادامزاتقا قاۋىپ توندىرە مە؟

بۇل نە قىلعان زاماناۋي تەحنولوگيالار جانە ولار نە ءۇشىن قاجەت ەكەنىن انىقتايىق. Telegram-دا بىرىككەن اراب امىرلىكتەرىندە جاساندى جاڭبىر جاساۋ پروتسەسى كورسەتىلگەن ۆيدەولار تارادى. الەمدىك ۇكىمەتتەر فەرمەرلەردى جويۋ، ازىق-تۇلىك تاپشىلىعىن تۋدىرۋ جانە جاھاندىق جىلىنۋ تۋرالى تەك وزىنە عانا ءتيىمدى زاڭداردى ىلگەرىلەتۋ ءۇشىن اۋا رايىن ادەيى وزگەرتەدى ەكەن. بۇل - جالعان مالىمەت، دەپ حابارلادى تۇركىستان گازەتى stopfake.kz-كە سىلتەمە جاساپ.

جاساندى جاڭبىر، باسقاشا ايتقاندا بۇلت سەبۋ - بۇل جاڭا ءادىس ەمەس. ەكسپەريمەنتتەر الەمنىڭ كوپتەگەن ەلدەرىندە سەكسەن جىلدام استام ۋاقىت بويى جۇرگىزىلىپ كەلەدى. جاۋىن-شاشىندى كوبەيتۋ ءۇشىن اۋاعا جاڭبىر نەمەسە قاردىڭ پايدا بولۋىنا ىقپال ەتەتىن زاتتار تاراتىلادى. بۇلتتارعا كۇمىس ءيوديدى، كالي يوديدى نەمەسە قۇرعاق مۇز سەبىلەدى. بۇل زاتتاردىڭ بولشەكتەرى ىلعال تارتادى، تامشىلاردى ارتتىرىپ، جاۋىن-شاشىننىڭ جاۋۋىنا اكەلەدى. بۇرىننان بار بولعانىنا قاراماستان، تەحنولوگيانىڭ تيىمدىلىگى بىرنەشە جاعدايعا، سونىڭ ىشىندە اتموسفەرالىق جاعدايلارعا بايلانىستى بولادى.

اتاپ ايتقاندا، 1959 -جىلدان بەرى ءشول دالالاردى زەرتتەۋ ينستيتۋتى (DRI) قورشاعان ورتانى زەرتتەۋمەن اينالىسادى. ونىڭ ماماندارىنىڭ ايتۋىنشا، كۇمىس ءيوديدىنىڭ ادامدارعا نەمەسە جابايى تابيعاتقا زياندى ەكەندىگى تۋرالى دەرەكتەر جوق.

بىرىككەن اراب امىرلىكتەرى وتكەن عاسىردىڭ 40-جىلدارىندا بۇلت سەبۋ بويىنشا ەكسپەريمەنتتەر جۇرگىزە باستاعان. ايتا كەتەيىك، بۇل تەحنولوگيانى ەنگىزە باستاعان تاياۋ شىعىستاعى العاشقى مەملەكەت. وندا جاۋىن- شاشىندى جاساندى تۇردە كوبەيتۋ جونىندەگى عىلىمي زەرتتەۋ باعدارلاماسى اشىلدى. 2020 -جىلدىڭ 6 ايىندا ب ا ءا- دە بۇلت سەبۋ بويىنشا 200 گە جۋىق وپەراتسيا جۇرگىزىلدى. ارنايى ۇشاقتاردا تەك تابيعي تۇزدار عانا قولدانىلادى. ال 2021 -جىلى جاڭا ءادىس سىنالا باستادى. ەندى درونداردىڭ كومەگىمەن بۇلتتارعا ەلەكتر رازريادتارىمەن اسەر ەتەدى. جالپى ەل اۋماعىندا رادارلار جەلىسى جانە مەتەوستانسيالار جەلىسى ورنالاسقان.

جاساندى جاڭبىر بىرىككەن اراب امىرلىكتەرىنە وتە از سۋ رەسۋرستارىن تولتىرۋعا كومەكتەسەدى. ويتكەنى، وندا جىلىنا ورتا ەسەپپەن 100 م م-دەن كەم جاۋىن-شاشىن تۇسەدى. بۇلتتاردى سەبۋ اۋىلشارۋاشىلىق داقىلدارىنىڭ ونىمدىلىگىن ارتتىرۋعا مۇمكىندىك بەرەدى، بوگەتتەردى سۋعا تولتىرادى. ەلدىڭ باستى ماقساتى - سۋ قاۋىپسىزدىگى.

قىتاي ەگىندى قورعاۋ ءۇشىن جاۋىن- شاشىن مولشەرىن جاساندى تۇردە كوبەيتەدى. ال تايلاند پەن ا ق ش-تا قۇرعاقشىلىقپەن كۇرەسەدى. ءۇندىستاندا بۇلت سەبۋ ارقىلى دەليدەگى ءتۇتىنتۇماننان ارىلۋعا ۇمىتتەنەدى.

دەمەك، جاساندى جاڭبىر بۇكىل ادامزاتقا قاۋىپ توندىرمەيدى. بۇل ازىق-تۇلىك تاپشىلىعىن تۋدىرمايدى، كەرىسىنشە ەگىن وسىرۋگە كومەكتەسەدى.