جانىبەك ەشقاشان ا ق ش- تان جانكۇيەر جيناي المايدى: جۋرناليست قازاق بوكسشىسىنا ۇسىنىس ايتتى

PunchoutBoxing جۋرناليسى را حوكۋم قازاق بوكسشىسى جانىبەك ءالىمحان ۇلىنىڭ 2024-جىلعى قارسىلاستارىنا قاتىستى ءوز ۇسىنىسىن ايتتى دەپ جازادى Sports.kz.

ەستە بولسا، بۇعان دەيىن جانىبەك ءالىمحان ۇلى بيىل تاعى ءبىر چەمپيوندىق بەلبەۋدى قانجىعاسىنا بايلاۋدى كوزدەيتىنىن ايتقان بولاتىن. ول قازىر ورتا سالماقتا WBO جانە IBF تۇجىرىمدارى بويىنشا الەم چەمپيونى.

حوكۋم بولسا قازاق بوكسشىسى مانسابىن ا ق ش- تا ەمەس، ۇلى بريتانيادا جالعاستىرسا ءساتتى بولادى دەپ ەسەپتەيدى.

«جانىبەك ءالىمحان ۇلى رامازان ايىنا دەيىن كىشى كريس يۋبەنكپەن جۇدىرىقتاسۋى كەرەك. سودان كەيىن جازدا «ستوك سيتي» ستاديونىندا نەتان حينيمەن جەكپە-جەك وتكىزەدى. وسىلاي ىستەسە دۇرىس. ويتكەنى، جانىبەك ا ق ش- تا ەشقاشان جانكۇيەرلەر بازاسىن جيناي المايدى»، - دەدى جۋرناليست Twitter- پاراقشاسىندا.