جانىبەك ءالىمحان ۇلىنىڭ كەزەكتى قارسىلاسى انىقتالدى

استانا. KAZINFORM - ورتا سالماقتا WBO جانە IBF تيتۋلدارىنىڭ يەگەرى، قازاقستاندىق كاسىپقوي بوكسشى جانىبەك ءالىمحان ۇلىنىڭ (15-0، 10 ك و) كەزەكتى قارسىلاسى انىقتالدى.

قازاقستاندىق بوكسشى 13-شىلدە كۇنى شارشى الاڭعا ورالىپ، IBF نۇسقاسى بويىنشا مىندەتتى قارسىلاس، جاڭا زەلانديالىق بوكسشى اندرەي ميحايلوۆيچپەن قولعاپ تۇيىستىرەدى.

- رەسمي! قارسىلاس رەكوردى 21-0. IBF اندرەيدى مىندەتتى قارسىلاس ەتىپ بەكىتتى. بۇيىرتسا 13-شىلدەدە لاس-ۆەگاستا Qazaq style-دى الەم تاماشالايتىن بولادى! بۇيىرتسا جارقىن جەڭىستەن سوڭ تيتۋل بىرىكتىرۋ شارۋاسىنا كىرىسەمىز! جەكپە-جەككە دايىندىعىمىزعا قولداۋىن كورسەتىپ جاتقان كەڭەس راقىشەۆ اعامىز ەكەنىن بارشاڭىز بىلەسىزدەر! - دەپ جازدى بوكسشى Instagram پاراقشاسىندا.

ەسكە سالا كەتەيىك، جانىبەك ءالىمحان ۇلىنىڭ سوڭعى ايقاسى وتكەن جىلدىڭ قازان ايىندا بولعان.

ول نەمىس بوكسشىسى ۆينچەنسو گۋالتيەريدى (22-1-1، 7 ك و) مەرزىمىنەن بۇرىن جەڭىپ، ودان IBF تيتۋلىن تارتىپ العان ەدى.

اۆتور
مۇحتار قاليموللا ۇلى