جانىبەك ءالىمحان ۇلى قارسىلاسىن تەحنيكالىق نوكاۋتپەن جەڭدى

قازاقستاندىق بوكسشى جانىبەك ءالىمحان ۇلى ا ق ش- تىڭ تەحاس قالاسى روزەنبەرگ قالاسىندا وتكەن بوكس كەشىندە ويىن كورسەتتى، دەپ حابارلايدى Kazinform.

жәнібек
Фото: Фото: Instagram/janibek_alimkhanuly

جانىبەك ءالىمحان ۇلى WBO جانە IBF ساناتى بويىنشا ورتا سالماقتا ەكى بەلبەۋدى ساراپقا سالعان جەكپە- جەكتى نەمىس بوكسشىسى ۆينچەنتسو گۋالتەريمەن وتكىزدى.

ون ەكى راۋند بولادى دەپ بەلگىلەنگەن جەكپە- جەك التىنشى راۋندتا جانىبەكتىڭ قارسىلاسىن تەحنيكالىق نوكاۋتقا جىبەرۋىمەن اياقتالدى.

وسىلايشا قازاقستاندىق بىلعارى قولعاپ شەبەرى كاسىپقوي بوكستا ون بەسىنشى جەڭىسىنە قول جەتكىزدى.

ناتيجەسىندە ءوزىنىڭ جۇلدەلەر سانىن WBO جانە IBF بەلبەۋلەرىمەن تولىقتىردى.

جانىبەك ءالىمحان ۇلى 1993 -جىلى 1-ساۋىردە الماتى وبلىسىندا دۇنيەگە كەلگەن.

كاسىپقوي بوكستا ورتا سالماقتا ويىن كورسەتەدى. قازىرگە دەيىن بارلىق جەكپە- جەگىن جەڭىسپەن اياقتاپ كەلەدى.

اۋەسقوي بوكستا 2013 -جىلى الەم چەمپيونى اتانسا، 2013-2014 -جىلدارى ازيا چەمپيونى بولدى.

سوڭعى جاڭالىقتار