جانىبەك ءالىمحان ۇلى ەكى چەمپيوندىق بەلبەۋىن دە قورعايتىن بولدى

استانا. KAZINFORM - قازاقستاندىق كاسىپقوي بوكسشى جانىبەك ءالىمحان ۇلى (15-0، 10 ك و) جاڭازەلانديالىق اندرەي ميحايلوۆيچكە (21-0، 13 ك و) قارسى جەكپە-جەگىندە IBF جانە WBO نۇسقاسىنداعى ەكى بەلبەۋىن دە قورعايدى، - دەپ حابارلايدى msports.kz سايتى.

باستاپقىدا جانىبەك IBF چەمپيوندىق اتاعىن عانا قورعايدى دەپ ايتىلعان. كەيىننەن WBO پرەزيدەنتى فرانسيسكو «پاكو» ۆالكارسەل تۆيتتەر جەلىسىندە بۇل ۇيىمداعى اتاعىن دا قورعايتىنىن جازدى.

بوكس كەشى 4-قازان كۇنى سيدنەيدە (اۋستراليا) وتەدى.

ايتا كەتەيىك، ەكى بوكسشى شىلدە ايىندا جۇدىرىقتاسۋى كەرەك بولعان. وكىنىشكە قاراي، قازاقستاندىق بوكسشى سالماق قۋۋ كەزىندە ەسىنەن تانىپ، اۋرۋحاناعا ءتۇسىپ قالعان بولاتىن. ناتيجەسىندە، جەكپە-جەك كەيىنگە شەگەرىلگەن ەدى.