جانىبەك ءالىمحان ۇلى كانەلونى جەكپە-جەككە شاقىردى

استانا. KAZINFORM - ورتا سالماقتا WBO جانە IBF چەمپيوندىق اتاعىنا يە جانىبەك ءالىمحان ۇلى (16-0، 11 ك و) مەكسيكالىق ساۋل كانەلو الۆارەسپەن (62-2-2، 39 ك و) جۇدىرىقتاسقىسى كەلەدى، - دەپ حابارلايدى msports.kz سايتى.

وتانداسىمىز تانىمال بوكسشىنى اقپان ايىندا جۇدىرىقتاسۋعا شاقىردى.

مەنىڭ ويىمشا، تەك كانەلونىڭ عانا مەنىمەن جۇدىرىقتاسۋعا باتىلى جەتەدى! كانەلو، كەل، اقپاندا جۇدىرىقتاسايىق! مەنىڭ ديۆيزيونىمدا چەمپيوندار جۇدىرىقتاسۋدان قورقادى! كەل، الەمگە جاقسى بوكس كورسەتەيىك! - دەپ جازدى قازاقستاندىق ءوزىنىڭ X الەۋمەتتىك جەلىسىندەگى پاراقشاسىندا.

بۇعان دەيىن جانىبەكپەن جۇدىرىقتاسۋدان بريتاندىق بوكسشى حامزا شيراز (21-0، 17 ك و) باس تارتقان ەدى. WBC چەمپيونى كارلوس ادامەس تە جانىبەكپەن جۇدىرىقتاسۋعا نيەتتى ەمەس.

ايتا كەتەيىك، جانىبەك 4-قازان كۇنى سيدنەيدە جاڭازەلانديالىق اندرەي ميحايلوۆيچتى (21-1، 13 ك و) نوكاۋتپەن جەڭگەن بولاتىن.