جانسايا ابدىمالىك شاحمات وليمپياداسىنا نەلىكتەن قاتىسپاعانىن ءتۇسىندىردى
استانا. KAZINFORM - ەلىمىزدىڭ بەلگىلى شاحماتشىسى جانسايا ابدىمالىك جاقىندا اياقتالعان الەمدىك شاحمات وليمپياداسىنان نەلىكتەن تىس قالۋىنىڭ سەبەبىن اتادى.
تانىمال شاحماتشى الەۋمەتتىك جەلىدەگى وقىرماندارىنىڭ ساۋالىنا جاۋاپ بەرۋ كەزىندە اتالعان ماسەلەگە قاتىستى وي ءبىلدىردى.
جانسايا ابدىمالىككە Instagram-دا «وليمپياداعا نە سەبەپتى قاتىسپادىڭىز؟» دەگەن ساۋال قويىلعان ەدى.
«مۇنىڭ بىرنەشە سەبەبى بار. الايدا ونىڭ بارلىعىن جازاتىن بولسام باسپا ءسوز كونفەرەنسياسىن وتكىزۋگە بولادى. مەنىڭ ايتارىم - قىتايدا وتكەن كوماندالىق جارىستان كەيىن وسىنداي شەشىم قابىلداۋعا تۋرا كەلدى. بولاشاقتا قۇراماعا قايتا ورالىپ جاتسام، ءوزىم ءۇشىن مۇلدە باسقا ەرەجەلەر مەن كەلىسىمدەر بويىنشا عانا قاتىسامىن»، - دەدى جانسايا ابدىمالىك.
ايتا كەتەتىن جايت، جاقىن كۇندەرى قازاقستان ايەلدەر قۇراماسى شاحماتتان العاش رەت وليمپيادادا كۇمىس جۇلدەگە يە بولعان ەدى. بۇل جەتىستىك وتاندىق شاحمات تاريحىنداعى ايتۋلى جەتىستىك سانالىپ وتىر.
ولاردىڭ قاتارىندا ءبيبىسارا اساۋبايەۆا، مەرۋەرت كاماليدەنوۆا، ءامينا قايىربەكوۆا، كسەنيا بالابايەۆا، الۋا نۇرمان سىندى شاحماتشىلار سىنعا ءتۇستى.
