جالعان پوليتسەي: الماتىدا پوليتسيا فورماسىن كيىپ جول ەرەجەسىن بۇزعان ادام ۇستالدى
الماتى. KAZINFORM - الەۋمەتتىك جەلىدە پوليتسيا فورماسىن كيىپ، ورەسكەل تۇردە جول ەرەجەسىن بۇزعان ازاماتتىڭ بەينەجازباسى تارادى. ول قولىندا سىرا ۇستاپ وتىرىپ كولىك ايداعانىن ۆيدەوعا تۇسىرگەن.
الماتى قالاسى پوليتسيا دەپارتامەنتىنىڭ باسپا ءسوز قىزمەتى اتالعان جاعدايعا بايلانىستى تۇسىنىكتەمە بەرىپ، بەينەجازباداعى ازاماتتىڭ قۇقىق قورعاۋ ورگاندارىندا جۇمىس ىستەمەيتىنىن حابارلادى.
- تەكسەرىس ناتيجەسىندە بۇل ادامنىڭ پوليتسياعا ەشقانداي قاتىسى جوق جانە ەشقاشان ىشكى ىستەر ورگاندارىنىڭ قاتارىندا قىزمەت ەتپەگەنى انىقتالدى. ول ۇستالىپ، پوليتسيا فورماسىن زاڭسىز پايدالانعانى جانە ءبىرقاتار جول قوزعالىس ەرەجەلەرىن بۇزعانى ءۇشىن جاۋاپقا تارتىلدى، - دەپ حابارلايدى دەپارتامەنت باسپا ءسوز قىزمەتىنەن.
ەسكە سالايىق، بۇعان دەيىن پارا العان ءساتى ۆيدەوعا ءتۇسىپ قالعان الماتىلىق پوليتسەيلەردىڭ ۇستىنەن ءىس قوزعالعانىن جازعان ەدىك.
اۆتور
دوسبول اتاجان
