جاڭبىر، ۇسىك، نايزاعاي: اۋا رايىنا بايلانىستى ءبىرقاتار وڭىردە ەسكەرتۋ جاريالاندى

استانا. KAZINFORM - سينوپتيكتەر اۋا رايىنا بايلانىستى 7-قىركۇيەكتە ەلىمىزدىڭ ءبىرقاتار وڭىرىندە داۋىلدى ەسكەرتۋ جاريالادى.

«قازگيدرومەت» سينوپتيكتەرىنىڭ بولجامى بويىنشا، ۇلىتاۋ وبلىسىندا سولتۇستىك-باتىستان جەل سوعادى، كۇندىز وبلىستىڭ سولتۇستىگىندە سوققان جەلدىڭ ەكپىنى 15-20 م/س بولادى. وبلىستىڭ باسىم بولىگىندە جوعارى ءورت قاۋپى، وبلىستىڭ وڭتۇستىگىندە توتەنشە ءورت قاۋپى ساقتالادى. جەزقازعاندا دا جوعارى ءورت قاۋپى بار.

كۇندىز قوستاناي وبلىسىنىڭ شىعىسىندا، وڭتۇستىگىندە نايزاعاي ويناپ، كۇن رايى بۇزىلادى. كۇندىز وبلىستىڭ سولتۇستىگىندە، شىعىسىندا، وڭتۇستىگىندە سولتۇستىك-باتىستان سوققان جەلدىڭ ەكپىنى 15-20 م/س جەتەدى. وبلىستىڭ وڭتۇستىگىندە جوعارى ءورت قاۋپى ساقتالادى.

اباي وبلىسىنىڭ باتىسىندا، سولتۇستىگىندە، شىعىسىندا وڭتۇستىك-باتىستان، باتىستان جەل سوعادى، ەكپىنى - 15-20 م/س. وبلىستىڭ باتىسىندا، سولتۇستىك-باتىسىندا، وڭتۇستىگىندە توتەنشە ءورت قاۋپى ساقتالادى. سەمەيدە كۇندىز وڭتۇستىك-باتىستان، باتىستان سەكۋندىنا 15-18 مەتر جىلدامدىقپەن جەل سوعادى دەپ بولجانادى.

تۇندە شىعىس قازاقستان وبلىسىنىڭ سولتۇستىگىندە، شىعىسىندا، وڭتۇستىگىندە جاۋىن-شاشىن (جاڭبىر، قار) بولادى. تۇندە وبلىستىڭ سولتۇستىگىندە، شىعىسىندا تۇمان بولادى. كۇندىز وبلىستىڭ باتىسىندا، سولتۇستىگىندە، وڭتۇستىگىندە وڭتۇستىك-باتىستان، باتىستان سوققان جەلدىڭ ەكپىنى 15-20 م/س بولادى. تۇندە وبلىستىڭ شىعىسىندا ۇسىك جۇرەدى، سىناپ باعانى 2 گرادۋس سۋىقتى كورسەتەدى.

الماتى وبلىسىنىڭ وڭتۇستىگىندە اراكىدىك جاڭبىر جاۋادى، الماتى قالاسىنىڭ جانە وبلىستىڭ تاۋلى اۋداندارىندا جاۋىن-شاشىن (جاڭبىر، قار) بولادى. وبلىستىڭ باتىسىندا، وڭتۇستىگىندە، تاۋلى اۋداندارىندا نايزاعاي ويناپ، سولتۇستىك-باتىستان جەل سوعادى، وبلىستىڭ باتىسىندا، وڭتۇستىگىندە، تاۋلى اۋداندارىندا سوققان جەلدىڭ ەكپىنى 18-23 م/س جەتەدى. وبلىستىڭ سولتۇستىگىندە جوعارى ءورت قاۋپى ساقتالادى. الماتى قالاسىندا كەي ۋاقىتتاردا نايزاعاي وينايدى. سولتۇستىك- باتىستان سوققان جەلدىڭ نايزاعاي كەزىندەگى ەكپىنى - 18 م/س. قونايەۆ قالاسىندا تۇندە جانە تاڭەرەتەڭ نايزاعاي وينايدى. سولتۇستىك-باتىستان سوققان جەلدىڭ ەكپىنى 18-23 م/س دەيىن جەتەدى.

تۇندە جامبىل وبلىسىنىڭ تاۋلى اۋداندارىندا جاڭبىر جاۋادى. تۇندە وبلىستىڭ وڭتۇستىگىندە، تاۋلى اۋداندارىندا نايزاعاي وينايدى، كۇندىز وبلىستىڭ تاۋلى اۋداندارىندا بۇرشاق تۇسەدى. وبلىستىڭ تاۋلى اۋداندارىندا سولتۇستىك-باتىستان سوققان جەلدىڭ ەكپىنى 15-20 م/س، كەي تۇستا 23 م/س دەيىن جەتەدى. وبلىستىڭ باسىم بولىگىندە توتەنشە ءورت قاۋپى ساقتالادى. تارازدا توتەنشە ءورت قاۋپى ساقتالادى.

قاراعاندى وبلىسىندا باتىسىندا، سولتۇستىگىندە، شىعىسىندا بۇرشاق تۇسەدى. كۇندىز وبلىستىڭ سولتۇستىگىندە، شىعىسىندا باتىستان، وڭتۇستىك-باتىستان سوققان جەلدىڭ ەكپىنى 15-20 م/س بولادى. تۇندە وبلىستىڭ سولتۇستىگىندە، شىعىسىندا توپىراق بەتى قاتىپ، ۇسىك جۇرەدى، سىناپ باعانى 2 گرادۋس سۋىقتى كورسەتەدى. وبلىستىڭ باتىسىندا، شىعىسىندا جوعارى ءورت قاۋپى ساقتالادى. قاراعاندىدا بۇرشاق تۇسەدى.

قىزىلوردا وبلىسىنىڭ باسىم بولىگىندە توتەنشە ءورت قاۋپى، وبلىستىڭ سولتۇستىك-شىعىسىندا جوعارى ءورت قاۋپى ساقتالادى. قىزىلوردادا دا توتەنشە ءورت قاۋپى ساقتالادى.

پاۆلودار وبلىسىنىڭ سولتۇستىگىندە، باتىسىندا، وڭتۇستىگىندە باتىستان سوققان جەلدىڭ ەكپىنى 15-20 م/س بولادى.

كۇندىز سولتۇستىك قازاقستان وبلىسىنىڭ وڭتۇستىگىندە سولتۇستىك-باتىستان سوققان جەلدىڭ ەكپىنى 15-20 م/س جەتەدى.

كۇندىز اقمولا وبلىسىنىڭ باتىسىندا، سولتۇستىگىندە، شىعىسىندا باتىستان، وڭتۇستىك-باتىستان سوققان جەلدىڭ ەكپىنى 15-20 م/س بولادى.

تۇركىستان وبلىسىندا سولتۇستىك-باتىستان جەل سوعادى، تاۋ اسۋلارىندا سوققان جەلدىڭ ەكپىنى 15-20 م/س دەيىن جەتەدى. وبلىستىڭ باسىم بولىگىندە توتەنشە ءورت قاۋپى ساقتالادى. شىمكەنتتە توتەنشە ءورت قاۋپى بار. تۇركىستاندا دا توتەنشە ءورت قاۋپى ساقتالادى.

اتىراۋ وبلىسىنىڭ باسىم بولىگىندە توتەنشە ءورت قاۋپى ساقتالادى. اتىراۋ قالاسىندا دا توتەنشە ءورت قاۋپى بار.

باتىس قازاقستان وبلىسىنىڭ باتىسىندا، سولتۇستىگىندە جوعارى ءورت قاۋپى ساقتالادى، وبلىستىڭ باسىم بولىگىندە توتەنشە ءورت قاۋپى بار. ورالدا دا جوعارى ءورت قاۋپى ساقتالادى.

تۇندە جەتىسۋ وبلىسىنىڭ تاۋلى اۋداندارىندا جاۋىن-شاشىن (جاڭبىر، قار) بولادى. وبلىستىڭ وڭتۇستىگىندە، شىعىسىندا سولتۇستىك-باتىستان جەل سوعادى، ەكپىنى - 15-20 م/س، كۇندىز كەي تۇستا 23-28 م/س دەيىن جەتەدى. وبلىستىڭ سولتۇستىگىندە توتەنشە ءورت قاۋپى، وبلاستىڭ باسىم بولىگىندە جوعارى ءورت قاۋپى ساقتالادى.