جاڭبىر، قار: بەيسەنبىگە كۇن رايى بولجامى

7-جەلتوقسان كۇنى رەسپۋبليكانىڭ كوپ بولىگىنە سيكلون جانە ونىمەن بايلانىستى اتموسفەرالىق فرونتتار اسەرى جالعاسادى. Kazinform بۇل تۋرالى «قازگيدرومەت» ر م ك-عا سىلتەمە جاساپ حابارلايدى.

سونىڭ اسەرىنەن جاڭبىر مەن قار تۇرىندە جاۋىن-شاشىن ساقتالادى. تەك باتىستا جاۋىن-شاشىنسىز كۇن رايى كۇتىلەدى. سونداي-اق قازاقستاننىڭ بارلىق اۋماعىندا تۇمان، كوكتايعاق، ەكپىندى جەل بولجانادى. ەلدىڭ شىعىسىندا وتە قاتتى جەل سوعادى.

تۇندە شىعىس قازاقستان وبلىسىنىڭ سولتۇستىگىندە، شىعىسى مەن وڭتۇستىگىندە 30 م/س جانە ودان جوعارى جىلدامدىقتا جەل تۇرادى.

جەتىسۋ وبلىسىنىڭ الاكول اۋدانىندا كەي ۋاقىتتا جەلدىڭ كۇشى ارتىپ، 30 م/س جانە ودان جوعارى بولادى.