جاڭبىر مەن قار: ءۇش كۇنگە ارنالعان اۋا رايى بولجامى

استانا. KAZINFORM - قازگيدرومەت 7، 8، 9-قازانعا ارنالعان اۋا رايى بولجامىن جاريالادى.

الداعى كۇندەرى ەلدىڭ كوپتەگەن وڭىرىندە اۋا رايى جاۋىن-شاشىنسىز، اشىق بولادى. تەك رەسپۋبليكانىڭ سولتۇستىگى مەن شىعىسىندا جاڭبىر، قار جاۋادى.

ەل اۋماعىندا جەل كۇشەيىپ، تۇمان تۇسەدى. ال وڭتۇستىك-باتىستا جانە وڭتۇستىكتە شاڭدى داۋىل تۇرادى.

تۇندە سولتۇستىك جانە ورتالىق وڭىرلەردە اۋا تەمپەراتۋراسى 1-7 گرادۋس ايازعا دەيىن تومەندەيدى، ال كۇندىز 4-16 گرادۋس جىلى بولادى.

شىعىس وڭىرلەردە تۇندە اۋا تەمپەراتۋراسى 5-13 گرادۋس ايازعا دەيىن تومەندەپ، كۇندىز 3-11 گرادۋس جىلى بولادى.

قالعان وڭىرلەردە اۋا تەمپەراتۋراسى بىرتىندەپ جوعارىلايدى.