جاڭبىر جاۋىپ، نايزاعاي وينايدى: 20-مامىرعا ارنالعان اۋا رايى بولجامى
استانا. KAZINFORM - ەلىمىزدىڭ باسىم بولىگىنە وڭتۇستىك سيكلون جانە ونىمەن بايلانىستى اتموسفەرالىق فرونتالدى بولىكتەر اسەر ەتەدى.
قازگيدرومەت سينوپتيكتەرىنىڭ بولجامى بويىنشا، 20-مامىردا ەلىمىزدىڭ باسىم بولىگىندە جاڭبىر جاۋىپ، نايزاعاي وينايدى. رەسپۋبليكانىڭ سولتۇستىك- باتىسىندا، سولتۇستىگىندە، وڭتۇستىگىندە، وڭتۇستىك- شىعىسىندا نوسەر جاڭبىر، بۇرشاق جاۋادى جانە بوران سوعادى.
رەسپۋبليكا بويىنشا جەل كۇشەيەدى. ەلدىڭ وڭتۇستىگىندە شاڭدى داۋىل تۇرادى، سولتۇستىك- باتىس پەن سولتۇستىكتە تۇمان تۇسەدى.
قاراعاندى وبلىسىنىڭ ورتالىعىندا، وڭتۇستىگىندە، اتىراۋدىڭ سولتۇستىك- باتىسىندا، شىعىسىندا، قىزىلوردانىڭ ورتالىعىندا، باتىس قازاقستاننىڭ باتىسىندا، شىعىس قازاقستاننىڭ وڭتۇستىك- شىعىسىندا، تۇركىستان وبلىسىنىڭ شولەيت ايماقتارىندا جوعارى ءورت قاۋپى ساقتالادى.
اباي وبلىسىنىڭ ورتالىعىندا، وڭتۇستىگىندە جوعارى ءورت قاۋپى ساقتالادى.
