جاۋاپكەرشىلىكتى سەزىنسىن: يمام بالاعا اتتى اكەسى قويۋ كەرەك ەكەنىن ايتتى

نۇرلان يمام بالاعا ات قويۋعا قاتىستى كەڭەس بەردى، دەپ حابارلايدى Baq. kz.

يمامنىڭ ايتۋىنشا، بالاعا اتتى اكەسى قويۋ كەرەك.

بالانىڭ اتىن اكەسى قويسىن. ەسىمدى ءوزى تاڭداپ، ازاندى اكەسى ايتسىن. سوندا اكەسى جاۋاپكەرشىلىك سەزىنەدى. اسىرايتىن اكە، وسىرەتىن اكە، كوتەرەتىن، ءبارىن جاسايتىن اكە، ءتىپتى، بالانى تاستاپ كەتىپ، جىلاتاتىن دا اكە. سوندىقتان جاۋاپكەرشىلىكتى سەزىنۋ ءۇشىن بۇل مىندەتتى اكەگە تاپسىرۋ كەرەك، - دەدى جەلىدە وقىرمانداردىڭ ساۋالىنا جاۋاپ بەرگەن نۇرلان يمام.

ودان بولەك يمام بالاعا جاڭاشىل ات قويۋدىڭ قاجەتى جوق ەكەنىن اتاپ ءوتتى.

ودان كەيىن ادام تۇسىنبەيتىن ارابشا، جاڭاشىل اتتاردىڭ كەرەگى جوق. ەلدە جوق، ەشكىم ەستىمەگەن دەپ ينتەرنەتتىڭ ءبارىن اقتارىپ اۋرەگە تۇسپەي، اتا-اجەڭنەن قالعان ەسىمدەردى قويا بەرىڭىزدەر. جاپونشا، جاڭاشىل اتتاردىڭ كەرەگى جوق. جاڭاشىلدىققا بوي ۇرىپ ار جاقتان ءبىر ءارىپ، بەر جاقتان ءبىر ءارىپ الىپ قۇراستىرۋدىڭ ماڭىزى جوق، - دەدى يمام.