جاڭا ينۆەستور «ارسەلورميتتال تەمىرتاۋعا» قانشا قاراجات سالادى
ق ر ونەركاسىپ جانە قۇرىلىس ءمينيسترى قانات شارلاپايەۆ «ارسەلورميتتال تەمىرتاۋ» كومپانياسىنىڭ جاڭا ينۆەستورى قانداي مىندەتتەمەلەردى ءوز جاۋاپكەرشىلىگىنە العانىن ايتىپ بەردى، دەپ حابارلايدى Kazinform.
«ءۇش جىلدا بۇل كاسىپورىنعا ينۆەستيتسيانىڭ جالپى كولەمى شامامەن 3,5 ميلليارد دوللارعا جەتەدى جانە جاقىن ارادا كاسىپورىننىڭ وپەراتسيالىق جۇمىسىن جاقسارتۋ ءۇشىن 1 ميلليارد دوللاردان استام ينۆەستيتسيا سالىنادى»، - دەدى قانات شارلاپايەۆ ۇكىمەتتە وتكەن بريفينگتە.
سونىمەن بىرگە، مينيستر جاڭا ينۆەستورمەن ينۆەستيتسيالىق كەلىسىم شەڭبەرىندە تىكەلەي كاسىپورىننىڭ وزىنە ينۆەستيتسيالار بويىنشا مىندەتتەمەلەر كوزدەلگەنىن ايتتى.
«ءبىرقاتار الەۋمەتتىك مىندەتتەمەلەر قاراستىرىلعان جانە بۇل جۇمىس قاراعاندى وبلىسىنىڭ باسشىلىعىمەن جانە تەمىرتاۋدىڭ جەرگىلىكتى اتقارۋشى ورگاندارىمەن بىرلەسىپ جۇرگىزىلدى. „ارسەلورميتتال تەمىرتاۋدىڭ“ قىزمەتكەرلەر الدىنداعى، جەتكىزۋشىلەر الدىنداعى بۇكىل مىندەتتەمەلەرى تولىق كولەمدە ورىندالادى. ءبىز بۇل كاسىپورىننىڭ جۇمىسىن قىزمەتكەرلەر الدىنداعى الەۋمەتتىك مىندەتتەمەدە ەش وزگەرىس بولمايتىنداي قولدايمىز»، - دەپ تولىقتىردى قانات شارلاپايەۆ.
