جاڭا وقۋ جىلى: بيىل ستۋدەنتتەرگە قوسىمشا قانشا گرانت بولىنەدى

- جاڭا وقۋ جىلىنا ستۋدەنتتەر كونتينگەنتىن قالىپتاستىرۋ بويىنشا جۇمىستار جالعاسۋدا. ەلىمىزدە 123 جوعارى وقۋ ورنى بار، ونىڭ 107 سى ازاماتتىق ۋنيۆەرسيتەت. بيىل ءبىلىم الۋشىلار سانى 740 مىڭنان اسۋى مۇمكىن، - دەدى س. نۇربەك.

ونىڭ ايتۋىنشا، گرانتتار سانى بىلتىرعى دەڭگەيدە ساقتالدى. جوعارى وقۋ ورىندارىنا قابىلداۋ ماگيستراتۋرا مەن دوكتورانتۋرا دەڭگەيىندە 28 تامىزعا دەيىن جالعاسادى. ءقازىر گرانتقا كونكۋرستىق پروتسەدۋرالار جۇرگىزىلىپ جاتىر.

- باكالاۆرياتقا قابىلداۋ 25-تامىزدا اياقتالادى. بيىل مەمەلەكەتتىك گرانت كونكۋرسىنا 127 مىڭعا جۋىق تالاپكەر قاتىستى. بۇل بىلتىرمەن سالىستىرعاندا 14 مىڭعا كوپ. كونكۋرس ناتيجەلەرى 7-تامىزدا جاريالاندى. بولىنگەن گرانتتاردىڭ 98 پايىزى يگەرىلدى. بيىل جۇرگىزىلگەن ساۋالنامادا انىقتالعان سۇرانىسقا سايكەس مەملەكەتتىك قولداۋ كولەمى قامتاماسىز ەتىلدى. سونىمەن بىرگە الەۋمەتتىك وسال ساناتتارعا مەملەكەتتىك قولداۋ ساقتالدى. مەملەكەتتىك گرانتتاردان بولەك، اكىمدىكتەر، جوعارى وقۋ ورىندارى، ءارتۇرلى قورلار جانە رەكتورلار ەسەبىنەن شامامەن 5 مىڭ قوسىمشا گرانت قاراستىرىلىپ وتىر، - دەدى مينيستر.