قازاقستاندىقتار Instagram دا ەلباسى تۋرالى بىلىمدەرىن سىناپ كورە الادى

«قازاقستاننىڭ تۇڭعىش پرەزيدەنتى جايلى ءبىر قاراعاندا ءبارىن دە بىلەتىن سەكىلدىمىز: قايدا ومىرگە كەلدى، قاي جەردە وقىدى، كىم بولىپ ەڭبەك ەتتى - ءبارى بەلگىلى جايتتارداي كورىنەدى. ايتسە دە، ەلباسى تۋرالى كوپ ادام بىلە بەرمەيتىن مالىمەتتەر دە از ەمەس. ءبىز نۇرسۇلتان نازاربايەۆتىڭ ومىرىندەگى كوپشىلىك بىلە بەرمەيتىن جايلارعا ارناپ، Instagram Stories ارقىلى جەكە ايدار جۇرگىزگەلى وتىرمىز»، - دەپ جازدى ەلباسىنىڭ باسپا ءسوز حاتشىسى ايدوس ۇكىباي Тwitter- پاراقشاسىندا.

وسىلايشا، elbasy_nazarbayev رەسمي پاراقشاسىنىڭ Stories ايدارىندا ەلباسىنىڭ ومىرىنە قاتىستى العاشقى مالىمەت جاريالاندى.

«جاس كەزىندە نۇرسۇلتان نازاربايەۆ مۋزىكاعا قىزىققان. ەلباسىنىڭ العاشقى مۋزىكالىق اسپاپتارىنىڭ ءبىرى - بايان. بايان ساتىپ الۋ ءۇشىن جاس نۇرسۇلتان جاز بويى كورشى ءۇيدىڭ قۇرىلىس الاڭىندا ەڭبەك ەتىپ، سامان كىرپىش قۇيعان»، - دەلىنگەن وندا.

جەلى قولدانۋشىلارىنا بۇل فاكتىنىڭ شىندىققا سايكەس كەلەتىنىنە «ءيا» نەمەسە «جوق» دەپ جاۋاپ بەرۋ ۇسىنىلعان. دۇرىس جاۋاپ كەيىنىرەك Stories-تە جاريالانىپ وتىرادى.