Huawei Partners Conference: سەرىكتەستىك جەلىنى 1 جىلدا %114 عا قالاي ارتتىرۋعا بولادى
الماتى. KAZINFORM - الماتىدا اقپاراتتىق-كوممۋنيكاتسيالىق تەحنولوگيالار سالاسىنداعى الەمدىك كوشباسشى Huawei كومپانياسىنىڭ ۇيىمداستىرۋىمەن Huawei Partners Conference جىل سايىنعى كونفەرەنتسياسى ءوتتى.
قازاقستاننىڭ 100 دەن استام بيزنەس، مەملەكەتتىك قۇرىلىم مەن IT قوعامداستىق وكىلى سيفرلىق دامۋدىڭ بولاشاعى مەن ىنتىماقتاستىقتىڭ جاڭا مۇمكىندىكتەرىن تالقىلاۋ ماقساتىندا باس قوستى.
ءىس- شارانىڭ نەگىزگى ماقساتى - Huawei سەرىكتەستەرى اراسىندا ءوزارا ءىس- قيمىل جانە تاجىريبە الماسۋ ءۇشىن پلاتفورما قۇرۋ، سونداي-اق قازاقستان ەكونوميكاسىنىڭ ءتۇرلى سەكتورلارىن سيفرلاندىرۋدى جەدەلدەتۋگە ىقپال ەتەتىن جاڭا تەحنولوگيالىق شەشىمدەر مەن ستراتەگيالاردى تالقىلاۋ. كونفەرەنتسياعا قاتىسۋشىلار سەرىكتەستىك قاتىناستاردى دامىتۋدىڭ نەگىزگى باعىتتارىن تالقىلادى، ءساتتى كەيستەرمەن ءبولىستى جانە Huawei كومپانياسىنىڭ سوڭعى جاڭالىقتارى مەن شەشىمدەرىمەن تانىستى.
ءىس-شارانى Huawei Kazakhstan باس ديرەكتورى جاو سيۋي اشىپ، ءوز سوزىندە قازاقستانداعى يننوۆاتسيالىق تەحنولوگيالاردى دامىتۋ ءۇشىن جەرگىلىكتى سەرىكتەستەرمەن ىنتىماقتاستىقتىڭ ماڭىزدىلىعىن اتاپ ءوتتى.
« Huawei دەگى ءبىزدىڭ ماقساتىمىز - بۇل بيزنەس قانا ەمەس، سونىمەن قاتار يننوۆاتسيالار جانە بۇكىل الەمدەگى ادامداردى بىرىكتىرۋ. سوڭعى ونجىلدىقتا ءبىز زەرتتەۋلەر مەن ازىرلەمەلەرگە 160 ميلليارد دوللار كولەمىندە ۇلكەن قاراجات سالدىق. وتكەن جىلى كومپانيانىڭ ساتۋ كولەمى 99,4 ميلليارد دوللاردى قۇرادى، بۇل ءبىزدىڭ نارىقتا مىقتى قاتىسۋىمىزدى جانە قارجىلىق مۇمكىندىكتەرىمىزدى كورسەتەدى. قازاقستاندا ءبىز ارىپتەستىك قاتىناستاردى نىعايتۋعا دەگەن قىزىعۋشىلىقتىڭ ايتارلىقتاي وسكەنىن بايقايمىز. 2024 -جىلى ءبىز جەلىمىزگە 59 جاڭا كومپانيانى قوسۋدى جوسپارلاپ وتىرمىز، بۇل ادەتتەگى ساننان %114 عا ارتىق. بۇل ساندار ءبىزدىڭ يننوۆاتسياعا جانە تۇتىنۋشىلاردىڭ قاناعاتتانۋىنا دەگەن ادالدىعىمىزدى كورسەتەدى»، - دەپ اتاپ ءوتتى Huawei Technologies Kazakhstan باس ديرەكتورى جاو سيۋي.
كونفەرەنسيادا Huawei ءدىڭ جەتەكشى ساراپشىلارىنىڭ باياندامالارى ۇسىنىلدى، ولار سيفرلىق ترانسفورماتسيا سالاسىنداعى بىلىمدەرى مەن پراكتيكالىق تاجىريبەلەرىمەن ءبولىستى. جاساندى ينتەللەكتتى ەنگىزۋ، تۇراقتى دامۋ جانە جاڭا تەحنولوگيالاردى قولدانىستاعى بيزنەس- مودەلدەرگە ينتەگراتسيالاۋ ماسەلەلەرىنە ەرەكشە نازار اۋدارىلدى.
كونفەرەنتسيانىڭ باستى تاقىرىپتارىنىڭ ءبىرى جوعارى جىلدامدىقتىڭ، تومەن كىدىرىستىڭ جانە جەلىنىڭ وتكىزۋ قابىلەتتىلىگىنىڭ جاقسارۋىنىڭ ارقاسىندا بيزنەس- پروتسەستەردى كەلەسى دەڭگەيگە كوتەرۋگە قابىلەتتى ەڭ جاڭا Wi-Fi 7 شەشىمىن ىسكە قوسۋ جانە ەنگىزۋ تۋرالى حابارلاندىرۋ بولدى. بۇل شەشىم كاسىپورىنداردىڭ تيىمدىلىگىن ارتتىرا وتىرىپ، جاڭا ستاندارتتارعا قولداۋ كورسەتەدى. Wi-Fi 7 ءنىڭ نەگىزگى ارتىقشىلىقتارىنىڭ ءبىرى - ءتىپتى جوعارى پايدالانۋشى تىعىزدىعى جاعدايىندا تۇراقتى بايلانىس، سونىمەن قاتار جاقسارتىلعان قاۋىپسىزدىك مۇمكىندىكتەرى.
«2024 -جىلدىڭ سوڭىنا قاراي نارىققا 200 ميلليوننان استام Wi-Fi 7 قولدايتىن قۇرىلعىلار شىعادى جانە Huawei ءموبيلدى شەشىمدەردى باسقارۋدى جالعاستىرا وتىرىپ، سالاداعى العاشقى كاسىپورىندىق ساناتتاعى Wi-Fi 7 شەشىمىن ۇسىندى. Huawei ءدىڭ Wi-Fi 7 ءنى ىسكە قوسۋى - بۇل ءبىزدىڭ كورپوراتيۆتى كليەنتتەرىمىزگە جۇمىس تيىمدىلىگىن ەداۋىر ارتتىرۋعا، پروتسەستەردى وڭتايلاندىرۋعا جانە سوڭعى پايدالانۋشىلارمەن ءوزارا ارەكەتتەسۋدى جاقسارتۋعا مۇمكىندىك بەرەتىن سىمسىز تەحنولوگيالاردى دامىتۋدىڭ جاڭا كەزەڭى. Wi-Fi 7 كومەگىمەن كومپانيالار بيزنەس- مىندەتتەردى تەزىرەك جانە ساپالى شەشە الادى، بۇل تەحنولوگيانى بيزنەستى تسيفرلىق ترانسفورماتسيالاۋدىڭ نەگىزگى فاكتورىنا اينالدىرادى»، - دەدى گە ليان، Huawei Technologies Kazakhstan اكت- ماركەتينگ جانە شەشىمدەردى ساتۋ ءبولىمىنىڭ ديرەكتورى.
كونفەرەنتسيادا ىنتىماقتاستىقتىڭ ءار كەزەڭىندە سەرىكتەستەردى جان- جاقتى قولداۋ ماسەلەلەرىنە كوپ كوڭىل ءبولىندى. ءىس-شارا بارىسىندا سەرىكتەس كومپانيالارعا نارىقتاعى ءوز پوزيتسيالارىن نىعايتۋعا عانا ەمەس، سونىمەن قاتار بيزنەس كوكجيەكتەرىن ايتارلىقتاي كەڭەيتۋگە كومەكتەسەتىن نەگىزگى باستامالار مەن پەرسپەكتيۆالىق مۇمكىندىكتەر تالقىلاندى.
«Huawei ءوز سەرىكتەستەرىن قولداۋ مەن دامىتۋعا ۇلكەن ءمان بەرەدى. بىرلەسىپ جۇمىس ىستەۋ جانە وقىتۋ مەن رەسۋرستارعا ينۆەستيتسيا سالۋ ءوزارا تابىسقا جەتۋگە ىقپال ەتەتىنىنە سەنىمدىمىز. ءبىزدىڭ ماقساتىمىز - سەرىكتەستەرگە ءوز بيزنەستەرىن تابىستى دامىتىپ، كليەنتتەرگە نارىقتاعى ەڭ جاقسى شەشىمدەردى ۇسىنا الاتىنداي بارلىق قاجەتتى قۇرالدار مەن قولداۋدى ۇسىنۋ»، - دەپ اتاپ ءوتتى Huawei Technologies Kazakhstan سەرىكتەستەرىمەن جۇمىس جونىندەگى مەنەدجەر رۋسلان ابۋلگازين.
كونفەرەنتسيانىڭ ماڭىزدى ءساتى كومپانيا وكىلدەرىنىڭ تابىستى سەرىكتەستىك تاجىريبەسىمەن جانە ءوز جەتىستىكتەرىمەن ءبولىسىپ، ورتاق ماقساتتارعا جەتۋ جانە نارىقتى دامىتۋ ءۇشىن ءوزارا ءتيىمدى ىنتىماقتاستىقتىڭ ماڭىزدىلىعىن اتاپ وتكەن اتاكوم كومپانياسىنىڭ سويلەگەن ءسوزى بولدى.
«اتاكوم كومپانياسى 2006 -جىلى قۇرىلدى جانە 2012 -جىلدان باستاپ ءبىز Huawei كومپانياسىمەن سەرىكتەسپىز. ءبىز - قازاقستانداعى Huawei ونىمدەرىنىڭ العاشقى ديستريبيۋتورلارى جانە سەرتيفيكاتتالعان سەرۆيستىك سەرىكتەستەرىمىز. 2020 -جىلى ءبىزدىڭ كومپانيا ساتۋ كورسەتكىشتەرى بويىنشا كوشباسشىلىق ءۇشىن ەڭ جوعارى ماراپاتقا يە بولدى جانە ءبىز بۇل پوزيتسيانى ءتورت جىل بويى ساقتاپ كەلەمىز. بۇل ىنتىماقتاستىق بىزگە ايتارلىقتاي پايدا اكەلەدى جانە بيزنەسىمىزدى ودان ءارى دامىتۋعا ىقپال ەتەدى»، - دەپ ءبولىستى اتاكومنىڭ برەند- مەنەدجەرى ايجان بايسالبايەۆا.
Partners Conference 2024 كونفەرەنسياسى سەرىكتەستىك قارىم-قاتىناستىڭ ستراتەگيالىق ماڭىزدىلىعىن راستاپ قانا قويماي، سيفرلىق شەشىمدەر سالاسىنداعى بىرلەسكەن دامۋدىڭ جاڭا پەرسپەكتيۆالارىن بەلگىلەدى. Huawei Technologies Kazakhstan كومپانياسى سيفرلىق ەكونوميكانى دامىتۋعا جانە قازاقستاندا بيزنەس ءۇشىن جاڭا مۇمكىندىكتەر جاساۋعا ىقپال ەتەتىن وزىق تەحنولوگيالاردى بەلسەندى ەنگىزۋدى جالعاستىرادى.
