حايناندا باو ازيا فورۋمى باستالدى

forum
Photo: freepik.com

قىتايدىڭ وڭتۇستىگىندەگى حاينان پروۆينسياسىندا «ازيا جانە الەم: ورتاق مىندەتتەر، ورتاق جاۋاپكەرشىلىك» ۇرانىمەن باو ازيا فورۋمى (ب ا ف) باستالدى.

ءداستۇر بويىنشا ب ا ف باسپا ءسوز كونفەرەنسياسىمەن اشىلادى، وندا ۇيىمداستىرۋشىلار ازيا ايماعىنداعى الەۋمەتتىك-ەكونوميكالىق جاعداي تۋرالى باياندامالار جاسايدى دەپ كۇتىلۋدە.

فورۋم ءتورت كۇن بويى وتەدى، ونىڭ بارىسىندا 50 گە جۋىق ءىس-شارا ۇيىمداستىرىلادى. ب ا ف-تىڭ اشىلۋ سالتاناتى 28-ناۋرىزعا جوسپارلانعان، وعان ق ح ر پارلامەنتىنىڭ سپيكەرى جاۋ لىجي، شەت مەملەكەتتەردىڭ جەتەكشىلەرى مەن ءىرى حالىقارالىق ۇيىمداردىڭ باسشىلارى قاتىسادى.

ب ا ف الاڭىندا 5 مىڭعا جۋىق ادام، ونىڭ ىشىندە 1 مىڭنان استام جۋرناليست جينالادى.

فورۋمعا قاتىسۋشىلاردىڭ قاتارىندا  ب ۇ ۇ-نىڭ بۇرىنعى باس حاتشىسى پان گي مۋن، شاڭحاي ىنتىماقتاستىق ۇيىمىنىڭ باس حاتشىسى جاڭ ميڭ، ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ باس حاتشىسى قايرات سارىباي، وڭتۇستىك- شىعىس ازيا مەملەكەتتەرى قاۋىمداستىعىنىڭ باس حاتشىسى كاو كيم حورن، ە ى د ۇ باس حاتشىسى ماتياس كورمانن، ازيا ينفراقۇرىلىمدىق ينۆەستيتسيالار بانكىنىڭ پرەزيدەنتى جين ليچۋن بار.

سوڭعى جاڭالىقتار