حاسان قاسىمبايەۆقا تاعى قانداي ايىپ تاعىلدى
الماتى. KAZINFORM - «حۋتورلىقتار» اتتى ۇيىمداسقان قىلمىستىق توپتىڭ جەتەكشىسى دەپ تانىلعان حاسان قاسىمبايەۆقا تاعى ءبىر ايىپ تاعىلدى.

- اتالعان تۇلعاعا قاتىستى ادام ۇرلاۋ، دەنساۋلىققا قاساقانا اۋىر زيان كەلتىرۋ جانە بوپسالاۋ فاكتىلەرى بويىنشا تەرگەۋ امالدارى جۇرگىزىلىپ جاتىر. تەرگەۋ ارەكەتتەرى اياقتالعاننان كەيىن ءىس ماتەريالدارى تاراپتارعا تانىسۋ ءۇشىن بەرىلەدى. تەرگەۋ مۇددەسىنە ساي باسقا مالىمەتتەر جاريالانبايدى، - دەپ حابارلادى الماتى وبلىستىق پوليتسيا دەپارتامەنتىنىڭ باسپا ءسوز قىزمەتى.
ەسكە سالايىق، بىلتىر قاراشا ايىندا حاسان قاسىمبايەۆ قاماۋعا الىنعان بولاتىن. بۇعان دەيىن 16 جاستاعى شەرزات پولاتتىڭ ولىمىنەن كەيىن تالعارلىقتار ونى «حۋتورسكيە» توبىنىڭ باسشىسى بولۋى مۇمكىن ەكەنىن ايتقان ەدى.
كەيىن ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆ كاسىپكەر حاسان قاسىمبايەۆقا قاتىستى تۇسىنىك بەردى.
سونداي-اق باس پروكۋراتۋرا تالعاردا ادام ۇرلاپ، ۇرىپ-سوعۋعا قاتىستى ءىستى قايتا قارادى.