حانزادا گارري كورولدىككە ورالمايدى
استانا. KAZINFORM - ساسسەكس گەرتسوگى حانزادا گارري ۇلى بريتانياعا ءبىرجولاتا ورالۋدى جوسپارلاپ وتىرعان جوق، دەپ جازادى كورولدىك وتباسىنا جاقىن دەرەككوزدەر.
قايتا ورالۋى مۇمكىن دەگەن قاۋەسەتتەرگە قاراماستان، گارري ايەلى مەگان ماركل جانە بالالارىمەن امەريكا قۇراما شتاتتارىندا قالا بەرۋدى جوسپارلاپ وتىر. قاۋىپسىزدىك ماسەلەسى ول ءۇشىن باستى بولىپ قالا بەرەدى.
گەرتسوگ پەن گەرتسوگينيا امەريكاداعى ءبىرقاتار جوبالارعا قوماقتى قارجى سالدى جانە ولاردان باس تارتۋ نيەتتەرى جوق.
جاقىندا گارري ۇلىبريتانياعا ورالۋ مۇمكىندىگىن قاراستىرۋى مۇمكىن دەگەن ۇسىنىستار بولدى، ءبىراق اقپارات كوزدەرى بۇل قاۋەسەتتى جوققا شىعاردى.
گارري قۇراما شتاتتارداعى قايىرىمدىلىق جوبالارىن قولداۋدى جالعاستىرماقشى جانە تەك اندا-ساندا تۋعان جەرىنە بارادى.
جاقىندا ول اعاسى لورد روبەرت فەللوۋزۋدى ەسكە الۋ كەشىنە قاتىسىپ، كوپ ۇزاماي ا ق ش- قا ورالدى.
ونىڭ اعاسى حانزادا ۋيلياممەن قارىم-قاتىناسى ءالى قالپىنا كەلمەگەن جانە ولار نورفولكتاعى شىركەۋدە بولعان كەزدە ءوزارا سويلەسپەگەن.
