حاماس-پەن كەپىلگە الىنعان 50 ادامدى بوساتۋ تۋرالى كەلىسسوز ءساتسىز اياقتالدى

ХАМАС-пен кепілге алынған 50 адамды босату туралы келіссөз сәтсіз аяқталды
Фото: Фото: Pexels

 ا ق ش، يزرايل جانە كاتاردىڭ پالەستينالىق حاماس راديكالدىق قوزعالىسىمەن كەپىلگە الىنعان 50 ادامدى بوساتۋ تۋرالى كەلىسسوزى ءساتسىز اياقتالدى. بۇل جايلى جۇما كۇنى Wall Street Journal باسىلىمى اقپارات كوزدەرىنە سىلتەمە جاساپ ءمالىم ەتتى. Kazinform بۇل تۋرالى تاسس اگەنتتىگىنە سىلتەمە جاساپ حابارلايدى. 

ولاردىڭ ايتۋىنشا، كەلىسىمشارت ىشىندە اتىستى ۋاقىتشا توقتاتۋ، يزرايلدىڭ گازا سەكتورىنا سۋ بەرۋدى قايتا باستاۋ جانە انكلاۆقا گۋمانيتارلىق كومەك جەتكىزۋدى جانداندىرۋ ماسەلەسى تالقىلانعان.

باسىلىم بۇل ماسەلەنى سودىرلارمەن تالقىلاۋ قيىن ەكەنىن اتاپ ءوتتى. قاقتىعىس ورشىگەننەن كەيىنگى ءبىرىنشى اپتادا راديكالدىق قوزعالىس وزدەرى تۇتقىنداعان بەيبىت تۇرعىنداردىڭ تاعدىرى تۋرالى كەلىسسوزدەرگە كىرىسپەدى. سونىمەن قاتار بارلىق تۇتقىننىڭ ناقتى ورنالاسقان جەرى ءتىپتى حاماسقا دا بەلگىسىز.

بۇعان دەيىن ا ق ش مەملەكەتتىك حاتشىسى ەنتوني بلينكەن ۆاشينگتون حاماس-تان بارلىق كەپىلگە الىنعان ادامدى ەشقانداي شارتسىز بوساتۋدى تالاپ ەتەتىنىن ايتقان. ول سونداي-اق كوپجاقتى ىنتىماقتاستىقتىڭ ماڭىزىن اتاپ ءوتىپ، ەگەر بۇل حاماس تۇتقىنىندا بولعان ادامداردى قايتارۋعا ىقپال ەتەتىن بولسا، ۆاشينگتون بىرلەسىپ جۇمىس ىستەۋگە دايىن ەكەنىن جەتكىزدى.

يزرايل اسكەريلەرىنىڭ مالىمەتى بويىنشا، گازا سەكتورىندا حاماس ۇستاعان، كەپىلگە الىنعانداردىڭ راستالعان سانى ەكى تۇتقىن بوساتىلعانعا دەيىن 203 بولعان.

سوڭعى جاڭالىقتار