حاماس ەكى شەتەلدىك تۇتقىندى بوساتتى

ХАМАС екі шетелдік тұтқынды босатты
Фото: Фото: Times of Israel

 پالەستينالىق حاماس توبى ا ق ش-تىڭ ەكى ازاماتى -  59 جاستاعى دجۋديت راانان مەن ونىڭ 17 جاستاعى قىزى ناتالي رااناندى بوساتتى. ولار بۇل شەشىمدى ىزگى نيەت بەلگىسى دەپ ءتۇسىندىردى. بوساتىلعان تۇتقىندار قازىر يزرايلدە، دەپ حابارلايدى Kazinform اگەنتتىگىنىڭ ءتىلشىسى. 

«دجۋديت پەن ناتالي راانان حاماس لاڭكەستەرىنەن بوساعاننان كەيىن يزرايلگە ورالدى. ولار 7-قازانداعى شابۋىلدان بەرى تۇتقىندا وتىرعان بولاتىن»، - دەلىنگەن پرەمەر- مينيستر بينيامين نەتانياحۋ كەڭسەسىنىڭ مالىمدەمەسىندە.

نەتانياحۋدىڭ تۇتقىندار بويىنشا ەلشىسى گال حيرش تساحال جانە باسقا دا كۇشتىك قۇرىلىم وكىلدەرىمەن بىرگە اناسى مەن قىزىن گازا سەكتورىمەن شەكارادا كۇتىپ الدى، دەپ حابارلادى پرەمەر-مينيستر كەڭسەسى.

«يزرايل ۇكىمەتى، س ا ح ا ل مەن بارلىق قاۋىپسىزدىك قىزمەتى تۇتقىنداردى تاۋىپ، ۇيگە قايتارۋ ءۇشىن قولىنان كەلگەننىڭ ءبارىن ىستەيدى»، - دەلىنگەن مالىمدەمەدە.

بوساعان تۇتقىندار حالىقارالىق قىزىل كرەست كوميتەتىنىڭ وكىلدەرىنە بەرىلدى. ولار تۇتقىنداردى گازا سەكتورى مەن يزرايل شەكاراسىنان الىپ ءوتىپ، يزرايلدىك تاراپقا تاپسىردى.

حاماس ساياسي بيۋروسىنىڭ وكىلى گازي حاماد امەريكالىق ەكى تۇتقىندى بوساتۋ توپتىڭ ىزگى نيەتىن بىلدىرەتىنىن ءمالىم ەتتى. «ءال- جازيرا» تەلەارناسىنا بەرگەن سۇحباتىندا حاماد بۇل قادام كاتاردىڭ ارالاسۋىمەن جۇزەگە اسقانىن اتاپ ءوتتى.

حاماس ەكى تۇتقىننىڭ ورنىنا بىرنارسە الدى ما دەگەن سۇراققا حاماد بىلاي دەپ جاۋاپ بەردى: «بۇل - حالىقارالىق قاۋىمداستىققا حاماس-تىڭ لاڭكەستىك ۇيىم ەمەس ەكەنىن دالەلدەۋ ءۇشىن بولعان ىزگىلىك نيەتىنىڭ بەلگىسى».

حاماد حاماس ۇيىمى «تۇتقىندار ماسەلەسىن وڭ شەشۋگە» دايىن ەكەنىن، ءبىراق اۋەلى گازا سەكتورىنا ءيزرايلدىڭ شابۋىلىن توقتاتۋ كەرەك ەكەنىن ايتتى. ول توپ تۇتقىندارعا «ادامگەرشىلىكپەن جانە قۇرمەتپەن» قاراپ جاتىر دەپ تولىقتىردى.

يزرايلدىڭ مالىمدەۋىنشە، حاماس 7-قازاندا يزرايلدىڭ وڭتۇستىگىندەگى قالالارعا شابۋىل جاساعاننان كەيىن گازا سەكتورىنا 203 ادامدى الىپ كەتكەن. حيۋمان رايس ۆوتچ پەن باسقا دا قۇقىق قورعاۋشى توپتار تۇتقىنداردى ۇستاۋ اسكەري قىلمىسپەن تەڭ ەكەنىن ءمالىم ەتتى.

سوڭعى جاڭالىقتار