حالىقارالىق «جىل ۆولونتەرى» سىيلىعىنا ۇمىتكەرلەردىڭ ءتىزىمى جاريالاندى

استانا. KAZINFORM - «جىل ۆولونتەرى» حالىقارالىق سىيلىعى بايقاۋىنا قاتىسۋ ءۇشىن وتىنىمدەردى قابىلداۋ اياقتالدى. «جىل ۆولونتەرى» حالىقارالىق سىيلىعىنا ونلاين داۋىس بەرۋ كەزەڭىنە وتكەن ۇمىتكەرلەردىڭ ءتىزىمى جاريالاندى.

مادەنيەت جانە اقپارات مينيسترلىگىنىڭ مالىمەتىنشە، تەحنيكالىق ىرىكتەۋدەن وتكەن 196 ءوتىنىم بايقاۋدىڭ ءبىرىنشى كەزەڭىنە ءوتتى.

ونلاين داۋىس بەرۋ 2024-جىلعى 20-29-قىركۇيەك ارالىعىندا «Qazvolunteer.kz» سايتىندا وتەدى.

ەستەرىڭىزگە سالا كەتەيىك، سىيلىق الەۋمەتتىك جانە قوعامدىق پايدالى مىندەتتەردى شەشۋگە ەلەۋلى ۇلەس قوسقان وتاندىق جانە حالىقارالىق ۆولونتەرلەر مەن ۆولونتەرلىك توپتارعا، ۆولونتەرلىك ۇيىمدارعا بەرىلەدى.