حالىقارالىق ۆاليۋتا قورى جاھاندىق ەكونوميكاعا قاتىستى بولجامىن جاقسارتتى

хвқ
Фото: golosameriki.com

استانا. KAZINFORM - حالىقارالىق ۆاليۋتا قورىنىڭ جاڭا بولجامىنا سايكەس، الەمدىك ەكونوميكا بيىل 3,1 پايىزعا وسەدى، دەپ حابارلايدى «امەريكا داۋىسى».

ح ۆ ق ا ق ش ەكونوميكاسىنداعى ىلگەرىلەمەلى ءوسىمنىڭ جالعاسۋى جانە ينفلياتسيانىڭ باياۋلاۋىن بولجاپ، جاھاندىق ەكونوميكاعا قاتىستى بيىلعى بولجامىن جاڭارتتى. جاڭا بولجام بويىنشا، الەمدىك ەكونوميكا بيىل 3,1 پايىزعا وسەدى.

2024-جىلعا ارنالعان بولجام قازان ايىندا جاريالانعان الدىڭعى بولجامعا قاراعاندا (ول كەزدە 2,9 پايىزدى قۇراعان) جاقساردى.

ح ۆ ق، سونداي-اق، جاھاندىق ينفلياتسيا 2023-جىلى 6,8 پايىزدان 2024-جىلى 5,8 پايىزعا جانە 2025-جىلى 4,4 پايىزعا دەيىن تومەندەيدى دەپ ەسەپتەيدى.

قور بولجامىنشا، الەمنىڭ ەڭ جاقسى دامىعان ەلدەرىندە ينفلياتسيا بيىلعى جىلى 2,6 پايىزعا، ال بولاشاقتا 2 پايىزعا دەيىن تومەندەيدى، بۇل ا ق ش فەدەرالدىق قور جۇيەسىنىڭ ماقساتتارىنا سايكەس كەلەدى.

سوڭعى جاڭالىقتار