Google ەكى فاكتورلى تاڭداۋ تەرەزەسىن ەنگىزدى - باسەكەلەستىكتى قورعاۋ اگەنتتىگى
استانا. قازاقپارات - Google ىزدەۋ جۇيەلەرى نارىعىندا باسەكەلەستىكتى دامىتۋ ماقساتىندا ەكى فاكتورلى تاڭداۋ تەرەزەسىن ەنگىزۋدە، دەپ حابارلايدى باسەكەلەستىكتى قورعاۋ جانە دامىتۋ اگەنتتىگى.
ب ق د ا بۇعان دەيىن Google LLC، Google Ireland Limited جانە Google Commerce Limited ( ءارى قاراي - Google) كومپانيالارىنا ونىڭ ارەكەتتەرىندە ۇستەم جاعدايدى تەرىس پايدالانۋ بەلگىلەرىنىڭ بار ەكەندىگى تۋرالى حابارلاما جىبەرگەن ەدى.
حابارلامانى ورىنداۋ ءۇشىن قازىرگى ۋاقىتتا Google كومپانياسى «Chrome» براۋزەرى العاش رەت ىسكە قوسىلعان كەزدە (اۆتوماتتى تۇردە نەمەسە قولمەن) تاڭداۋ تەرەزەسى ەنگىزىلگەن ءتيىستى نۇسقاسىنا دەيىن Android و ج بازاسىنداعى قولدانىستاعى موبيلدى قۇرىلعىلاردا جۇزەگە اسىرىلاتىن ەكى فاكتورلى «وتكىزبەيتىن» تاڭداۋ تەرەزەسىن كورسەتۋدى ەنگىزدى.
جاڭا قۇرىلعىلاردا تاڭداۋ تەرەزەسىنىڭ دەمونستراتسياسى وسى قۇرىلعىلار ىسكە قوسىلعاننان كەيىن جانە «Chrome» تاڭداۋ تەرەزەسى «كىرىستىرىلگەن» نۇسقاسىنا جاڭارتىلعاننان كەيىن جۇزەگە اسىرىلادى. «Chrome» ۆيدجەتىن نەمەسە براۋزەر اشقان كەزدە پايدالانۋشىلارعا تاڭداۋ تەرەزەسى كورسەتىلەدى.
2024 -جىلعى 1-ماۋسىمداعى جاعداي بويىنشا:
Android وپەراتسيالىق جۇيەسى بار 4843890 موبيلدى قۇرىلعىدا «Chrome» براۋزەرىن ەكى فاكتورلى تاڭداۋ تەرەزەسى ەنگىزىلگەن نۇسقاسىنا اۆتوماتتى تۇردە نەمەسە قولمەن جاڭارتۋ جۇزەگە اسىرىلعان تاڭداۋ تەرەزەسى كورسەتىلدى.
تاڭداۋ تەرەزەسى كورسەتىلەتىن جانە ءتيىستى تاڭداۋ جاسالاتىن قۇرىلعىلاردىڭ ودان ءارى ءوسۋى كۇتىلۋدە.
2024 -جىلعى 1-ماۋسىمداعى جاعداي بويىنشا پايدالانۋشىلاردىڭ تاڭداۋى كەلەسىدەي:
پايدالانۋشىلاردىڭ %82.95 ىزدەۋ جۇيەسى رەتىندە Google دى تاڭدادى؛
پايدالانۋشىلاردىڭ %17.04 ى Yandex- ءتى ىزدەۋ جۇيەسى رەتىندە تاڭدادى.
ايتا كەتۋ كەرەك، العاش رەت قازاقستان رەسپۋبليكاسىنىڭ يۋريسديكتسياسىنان تىس ءىرى ترانسۇلتتىق كومپانيا ءوز ءىس-ارەكەتىندە ۇستەم جاعدايدى تەرىس پايدالانۋ بەلگىلەرىنىڭ بولۋى تۋرالى حابارلامانى ورىندادى.
كوپتەگەن ەلدەردە، سونىڭ ىشىندە ە و، رەسەي فەدەراتسياسى جانە بەلارۋس رەسپۋبليكاسىندا رەتتەۋشى مەملەكەتتىك ورگانداردىڭ تالابى بويىنشا ىزدەۋ جۇيەلەرىن تاڭداۋ ەكراندارى ەنگىزىلگەن.
